Уладзімір Уладзіміравіч Цыгановіч — блогер, аўтар YouTube-канала MozgON.

Быў затрыманы 9 чэрвеня 2020 г. для адбыцця 15-суткавага арышту, вынесенага яшчэ ў сакавіку 2020 года. 15 чэрвеня адбыўся чарговы суд над блогерам, які пакараў Уладзіміра Цыгановіча дадатковымі 15 суткамі. 

26 чэрвеня 2020 г. правабаронцам стала вядома, што Уладзіміра Цыгановіча перавялі ў СІЗА-1. Ён знаходзіўся ў статусе абвінавачанага па "справе Ціханоўскага" (арт. 342 КК РБ) — арганізацыя альбо ўдзел у групавых дзеяннях, якія груба парушаюць грамадскі парадак.

У лютым 2021 г. стала вядома, што Цыгановічу прад'явілі яшчэ адно абвінавачванне — па арт. 13 ч. 2 арт. 293 КК (Падрыхтоўка да ўдзелу ў масавых беспарадках).

Утрымліваўся ў СІЗА-1, пасля быў пераведзены ў гомельскі СІЗА-3.

14 снежня 2021 г. быў вынесены прысуд Уладзіміру Цыгановічу: прызнаць вінаватым у здзяйсненні злачынстваў паводле ч. 1 арт. 293 КК і ч. 3 арт. 130 КК і прызначыць 15 гадоў зняволення ў калоніі ўзмоцненага рэжыму.

31 траўня 2022 г. у Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў "справы Ціханоўскага". На наступны дзень суд пастанавіў пакінуць прысуды без зменаў.

У чэрвені 2022 г. Уладзіміра перавялі з СІЗА-3 у папраўчую калонію № 3 (Віцьба).

МУС 4 лістапада 2022 г. уключыла палітвязня ў "Пералік асобаў, датычных да экстрэмісцкай дзейнасці".

Паводле інфармацыі праваабаронцаў, фігуранты "справы Ціханоўскага" павінны будуць сплаціць 22 мільёны рублёў кампенсацыі — як пазначана ў судовым рашэнні, "для выплат супрацоўнікам Міністэрства ўнутраных спраў за дадатковы час на службе падчас паслявыбарчых пратэстаў".

Напрыканцы снежня 2022 г. стала вядома, што Уладзіміру ўзмацнілі пакаранне і перавялі яго на турэмны рэжым у Магілёў (турма № 4) тэрмінам на тры гады.

Суддзя Ленінскага раёна Магілёва Таццяна Касцюк 10 красавіка 2023 г. прызначыла палітвязню яшчэ адзін год калоніі паводле ч. 2 арт. 411 КК (злоснае непадпарадкаванне патрабаванням адміністрацыі калоніі).

У верасні 2023 г. стала вядома, што Уладзіміра перавялі ў папраўчую калонію № 11.

Напрыканцы восені 2023 г. стала вядома, што ў судзе Ваўкавыскага раёну 30 лістапада 2023 года пачнуць разглядаць чарговую справу супраць Уладзіміра паводле арт. 411 КК. Справу будзе весці суддзя Мікалай Сяргейка. Палітвязню могуць дадаць яшчэ два гады зняволення да 16 гадоў пазбаўлення волі.

Напрыканцы снежня 2023 г. з'явіліся звесткі, што Уладзіміра перавялі ў СІЗА-6. 

Утрымліваецца ў ПК № 20. 

5 верасня 2024 г. у судзе Мазырскага раёна Уладзіміра будуць судзіць ужо ў трэці раз за "непадпарадкаванне". Суддзём прызначаны Анатоль Стрэльчанка.

Двух палітвязняў будуць судзіць за "непадпарадкаванне адміністрацыі калоніі" — ім могуць дадаць яшчэ па 2 гады

У Наваполацку і Мазыры 5 верасня адбудуцца суды над палітвязнямі Тамазам Піпіям і Уладзімірам Цыгановічам. Іх абвінавачваюць паводле ч. 2 арт. 411 Крымінальнага кодэкса (злоснае непадпарадкаванне адміністрацыі калоніі). Для Уладзіміра гэта ўжо трэці суд за "непадпарадкаванне". Палітвязням могуць прызначыць яшчэ па два гады зняволення.

Аўтара Youtube-канала "MozgON" зноў будуць судзіць за "злоснае непадпарадкаванне адміністрацыі калоніі"

Цяпер палітвязню могуць дадаць яшчэ два гады зняволення да 16 гадоў пазбаўлення волі. Судзіць Уладзіміра пачнуць ужо 30 лістапада ў Ваўкавыску.

Аўтару YouТube-канала "MozgON" Уладзіміру Цыгановічу прысудзілі яшчэ адзін год калоніі

Суддзя Таццяна Касцюк прызначыла палітвязню яшчэ адзін год калоніі ў дадатак да 15 гадоў зняволення. У снежні 2021 года Уладзіміра асудзілі па "справе Ціханоўскага", а пазней яму ўзмацнілі пакаранне і перавялі з калоніі на турэмны рэжым.

Ад 14 да 18 гадоў калоніі. Вынесены прысуды па "справе Ціханоўскага"

У Гомелі 14 снежня быў абвешчаны прысуд шасці палітвязням: Сяргею Ціханоўскаму, Ігару Лосіку, Мікалаю Статкевічу, Уладзіміру Цыгановічу, Арцёму Сакаву і Дзмітрыю Папову. Суд па “справе Ціханоўскага” праходзіў у закрытым рэжыме ў будынку гомельскага СІЗА на працягу амаль шасці месяцаў.

"Выконваў функцыі прапаганды легітымізацыі парушэнняў заканадаўства". Стала вядома, у чым абвінавачваюць палітзняволенага блогера MozgON

Праваабарончаму цэнтру "Вясна" стала вядомая фармулёўка абвінавачвання блогеру Уладзіміру Цыгановічу. Прыводзім самыя яркія вытрымкі з абвінавачвання палітвязню, якія таксама тычацца і іншых фігурантаў справы.

У "справе Ціханоўскага" змяніўся суддзя. Што вядома пра яго і ці будзе справа разглядацца з пачатку?

У будынку гомельскага СІЗА ўжо тры месяцы ў закрытым рэжыме праходзіць суд над шасцю палітвязнямі: Сяргеем Ціханоўскім, Ігарам Лосікам, Мікалаем Статкевічам, Уладзімірам Цыгановічам, Арцёмам Сакавым і Дзмітрыем Паповым. Гэтыя месяцы справу разглядаў суддзя Гомельскага абласнога суду Мікалай Бакуноў, але 7 верасня Лукашэнка падпісаў указ аб прызначэнні Бакунова на пасаду старшыні суду Чыгуначнага раёну Гомеля. Па інфармацыі праваабаронцаў “Вясны”, цяпер справу разглядае іншы суддзя — Мікалай Доля.