Данііл Віктаравіч Бандарук — фігурант крымінальнай справы аб масавых беспарадках у Брэсце пасля выбараў. 

Хлопец са шматдзетнай сям'і, старэйшы з васьмярых дзяцей. Каб дапамагчы бацькам забяспечыць сям'ю, пасля вучобы ў Брэсцкім дзяржаўным прафесійна-тэхнічным каледжы прыборабудавання з'ехаў у Мінск, дзе працаваў на кладцы тратуарнай пліткі.

Даніілу затрымалі 22 жніўня (таксама быў затрыманы яго дваюрадны брат Марк Салонікаў), прад'явілі абвінавачванне па ч. 2 арт. 293 КК (удзел у масавых беспарадках) і па ч. 1 арт. 339 КК (хуліганства) і змясцілі ў СІЗА № 7. 

Дваццацігадовы берасцеец Данііл Бандарук ужо пяць месяцаў знаходзіцца ў брэсцкім СІЗА-7. Яго абвінавачваюць паводле "пратэснага" артыкулу

Данііл Бандарук са шматдзетнай сям'і, найстарэйшы з васьмярых дзяцей. Каб дапамагчы бацькам забяспечыць сям'ю, пасля вучобы ў Брэсцкім дзяржаўным прафесійна-тэхнічным каледжы прыборабудавання з'ехаў у Мінск, дзе разам са стрыечным братам Маркам Салонікавым працаваў на кладцы тратуарнай пліткі.

У Ленінскім судзе Брэста 21 траўня 2021 г. вынеслі прысуды па крымінальнай справы аб масавых беспарадках пасля выбараў 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 5 гадоў калоніі, дваіх непаўнагадовых — да 3 гадоў выхаваўчай калоніі. 

Даніла Бандарук атрымаў 5 гадоў пазбаўлення волі ў калоніі ва ўмовах узмоцненага рэжыму.

У Брэсце пачалі судзіць яшчэ 13 чалавек за "масавыя беспарадкі" пасля выбараў

У судзе Маскоўскага раёна Брэста 7 красавіка пачаўся разгляд крымінальнай справе аб масавых беспарадках пасля выбараў (ч. 2 арт. 293 Крымінальнага кодэкса) супраць другой партыі берасцейцаў. Месяц таму суддзя Вера Філонік асудзіла па гэтай справе дзевяць чалавек на тэрміны ад 3 да 4,5 гады калоніі. Сёння судзяць адразу 13 чалавек: падлеткаў, былога дэсантніка, 18-гадовую дзяўчыну. Усім абвінавачаным пагражае ад трох да васьмі гадоў пазбаўлення волі.

"Тут звычайныя людзі, якія хочуць свабодна выказвацца". У Брэсце адправілі ў калонію яшчэ 13 фігурантаў па справе "жнівеньскіх беспарадкаў"

У Ленінскім судзе Брэста 21 траўня вынеслі прысуды па крымінальнай справы аб масавых беспарадках пасля выбараў (ч. 2 арт. 293 Крымінальнага кодэкса) 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 5 гадоў калоніі, дваіх непаўнагадовых — да 3 гадоў выхаваўчай калоніі. У сакавіку па гэтай справе на такія ж тэрміны асудзілі першых дзевяць чалавек. Усяго ў калонію па справе "жнівеньскіх беспарадкаў" брэсцкія суды адправілі ўжо 22 чалавекі, суды над астатнімі фігурантамі гэтай справы яшчэ чакаюцца.