Ілля Верамееў

Палітвязень

Дата нараджэння: 1 жніўня 2003

Дата затрымання: 27 лютага 2022

Прад'яўленыя абвінавачванні:

ч. 1 арт. 293 Крымінальнага кодэкса — Арганізацыя масавых беспарадкаў
арт. 130 Крымінальнага кодэкса — Распальванне варожасці ці варажнечы

Вынік суда: 6 гадоў і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Дата пачатку адбыцця пакарання: 6 снежня 2022

Суддзя: Сотнікаў Анатоль

Месца зняволення: ПК № 2

Іншыя пазнакі: Вайна ва Украіне

Заява аб прызнанні палітвязнем

Сімвалічны(ая) хросны(ая): Карына Грэдыг, дэпутатка Нацыянальнай рады Швейцарыі

У спісе «тэрарыстаў» (грашовыя пераводы забароненыя)

Ілля Верамееў. Фота з сацсетак

Іллю Аляксандравіча Верамеева за паведамленні ў тэлеграм-чатах у лютым 2022 года абвінавацілі па двух артыкулах Крымінальнага кодэкса: ч. 1 арт. 14, ч. 1 арт. 293 (замах на арганізацыю масавых беспарадкаў) і ч. 1 арт. 130 (распальванне іншай сацыяльнай варожасці). Меркавана, такія паведамленні ў групавым чаце сталі рэакцыяй хлопца на распачатую узброеную сіламі Расіі вайну ва Украіне, у тым ліку з тэрыторыі Беларусі. Справу разглядаў суддзя Анатоль Сотнікаў.

У выніку Верамееву на падставе ч. 1 арт. 14 і ч. 1 арт. 293 КК прызначана пакаранне ў выглядзе пазбаўлення волі на тэрмін шэсць гадоў, на падставе ч. 1 арт. 130 КК у выглядзе пазбаўлення волі на тэрмін два гады. Шляхам частковага складання канчаткова яму прызначанае пакаранне ў выглядзе пазбаўлення волі на тэрмін шэсць гадоў шэсць месяцаў з адбываннем у папраўчай калоніі ва ўмовах узмоцненага рэжыму. Таксама ў яго канфіскавалі мабільны тэлефон, з якога ён паводле прысуду пісаў паведамленні.

Сястра Іллі распавяла, што хлопец паставіўся да прысуду спакойна: "Ён успрыняў гэта ўсё спакойна. Ён вельмі верыць у беларусаў і Украіну, што ўсё будзе добра".

1 снежня 2022 г. КДБ уключыў Іллю ў "спіс асобаў, датычных да тэрарыстычнай дзейнасці", а 2 снежня 2022 г. МУС уключыў яго ў "спіс экстрэмістаў".

На пачатку снежня Іллю этапавалі з СІЗА-3 у бабруйскую ПК № 2.

"Не падыходзь да вокнаў толькі", — 18-гадовы Ілля Верамееў — сястры ў Мікалаеў зранку 24 лютага, за тры дні да затрымання

Сястра Іллі Верамеева Яна распавяла "Вясне" пра брата, ягонае затрыманне і тое, як можна цяпер дапамагчы яму.

За паведамленні ў тэлеграм-чатах пасля пачатку вайны гамельчука асудзілі да 6,5 гадоў калоніі

У Гомельскім абласным судом 30 жніўня да шасці з паловай гадоў калоніі ва ўмовах узмоцненага рэжыму асудзілі 19-гадовага Іллю Верамеева. За паведамленні ў тэлеграм-чатах у лютым гэтага года яго абвінавацілі па двух артыкулах Крымінальнага кодэкса: ч. 1 арт. 14, ч. 1 арт. 293 (замах на арганізацыю масавых беспарадкаў) і ч. 1 арт. 130 (распальванне іншай сацыяльнай варожасці). Меркавана, такія паведамленні ў групавым чаце сталі рэакцыяй хлопца на распачатую узброеную сіламі Расіі вайну ва Украіне, у тым ліку з тэрыторыі Беларусі. Справу разглядаў суддзя Анатоль Сотнікаў.