Арцём Караткевіч
Дата нараджэння: 26 снежня 1996
Дата затрымання: 9 чэрвеня 2023
Прад'яўленыя абвінавачванні:
арт. 361-1 Крымінальнага кодэкса — Стварэнне экстрэмісцкага фармавання або ўдзел у ім
Вынік суда: 4 гады
Від пакарання: пазбаўленне волі ў калоніі ва ўмовах агульнага рэжыму
Суддзя: Чарапанава Святлана
Месца зняволення: ПК № 22
Арцём Міхайлавіч Караткевіч родам з Рагачова, вучыўся ў Гомельскім дзяржаўным тэхнічным універсітэце. Некалькі гадоў таму хлопец пераехаў у Мінск, апошнім часам працаваў афіцыянтам.
На «пакаяльным» відэа, апублікаваным у сярэдзіне сакавіка, Арцём казаў што затрыманы «за мадэрацыю чата 97% Серебрянка». Але канал прызналі «экстрэмісцкім фармаваннем» толькі 30 траўня 2023 года.
Яго пачалі судзіць у Мінгарсудзе 29 жніўня 2023 году паводле ч. 1 арт. 361-1 Крымінальнага кодэкса (стварэнне экстрэмісцкага фармавання).
Вядома, што Арцёму прысудзілі 4 гады ў калоніі агульнага рэжыму. Ён пачаў адбываць пакаранне і пераведзены з СІЗА-1 у ПК-22.
1 снежня 2023 г. МУС дадала Арцёма ў "спіс экстрэмістаў".
