Андрэй Хрэнкоў
Дата нараджэння: 12 жніўня 1970
Дата затрымання: 30 жніўня 2020
Прад'яўленыя абвінавачванні:
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 5 гадоў
Від пакарання: пазбаўленне волі ў калоніі агульнага рэжыму
Суддзя: Запаснік Марына
Месца зняволення: Турма №4
Андрэй Аляксеевіч Хрэнкоў быў затрыманы 30 жніўня 2020 года ў Мінску падчас нядзельнай акцыі пратэсту, а менавіта пасля патасоўкі, якая завязалася паміж супрацоўнікамі міліцыі і пратэстоўцамі, якія спрабавалі адбіць іншага пратэстоўца (палітвязня Аляксея Чарвінскага) ад затрымання.
Андрэя абвінавацілі па арт. 364 Крымінальнага кодэксу (Гвалт ці пагроза гвалту ў дачыненні да супрацоўнікаў міліцыі) - за бойку і ўдары па мікрааўтобусе міліцыі.
27 лістапада 2020 года суддзя суда Ленінскага раёна Мінска Марына Запаснік пакарала Андрэя Хрэнкова 5 гадамі пазбаўлення волі ў калоніі агульнага рэжыму.
24 верасня 2021 года суд пастанавіў змяніць агульны рэжым у калоніі на турэмны - тэрмінам на 3 гады.