Аляксей Чарвінскі
індывідуальны прадпрымальнік
Былы палітвязень
Дата нараджэння: 29 красавіка 1978
Дата затрымання: 30 жніўня 2020
Прад'яўленыя абвінавачванні:
- арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 4 гады
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 11 ліпеня 2024
Суддзя: Запаснік Марына
Справы: Пратэсты Мінск
Аляксей Уладзіміравіч Чарвінскі быў затрыманы 30 жніўня 2020 года ў Мінску падчас нядзельнай акцыі пратэсту, а менавіта пасля патасоўкі, якая завязалася паміж супрацоўнікамі міліцыі і пратэстоўцамі, якія спрабавалі адбіць Чарвінскага ад затрымання.
Аляксея абвінавацілі па арт. 364 Крымінальнага кодэксу (Гвалт ці пагроза гвалту ў дачыненні да супрацоўнікаў міліцыі) - за бойку і ўдары па мікрааўтобусе міліцыі.
27 лістапада 2020 года суддзя суда Ленінскага раёна Мінска Марына Запаснік пакарала Аляксея Чарвінскага 4 гадамі пазбаўлення волі ў калоніі агульнага рэжыму.
На пачатку сакавіка 2022 стала вядома аб пераводзе Аляксея з Турмы №4 у ПК №3 (Віцьба).
Па падліках, выйшаў на волю 11 ліпеня 2024 г.
