Сяргей Рыгоравіч Юнчыц быў затрыманы за салідарнасць з рэпрэсаванымі.

Ён нарадзіўся ў вёсцы Падассе Жыткавіцкага раёна. З 90-х займаўся бізнэсам. Мужчына да 2023 года кіраваў сямейнай кампаніяй "Юніко-дэнтал", якая займаецца пастаўкамі стаматалагічных матэрыялаў, інструментаў і абсталявання.

Сяргея пачалі судзіць 2 кастрычніка 2024 года ў Мінскім абласным судзе. Яго абвінавачвалі паводле трох артыкулаў Крымінальнага кодэкса: "фінансаванне экстрэмісцкай дзейнасці" (ч.1 і ч. 2 арт. 361-2 КК), "садзейнічанне эктрэмісцкай дзейнасці" (ч. 1 і ч. 2 арт. 361-4 КК) і "фінансаванне экстрэмісцкага фармавання" (арт. 361-2, страціў сілу ў траўні 2021 года).

Як вынікае з паведамлення пракуратуры, Сяргею паставілі ў віну данаты "Беларускай Радзе культуры", "Краіне для жыцця", "Dissidentby" цягам 2021 і 2022 года, агульнай сумай 1,3 тысячы рублёў. Таксама паведамляецца, што ён перавёў каля 500 рублёў у адрас 24 вязняў, што знаходзіліся ў зняволенні паводле палітычных артыкулаў, чым "аказаў садзенічанне дзейнасці экстрэмісцкіх фармаванняў "Dissidentby" і "Праваабарончы цэнтр Вясна". 

Працэс вяла суддзя Алена Курганава. Яна прысудзіла Сяргею 5 год у калоніі ўзмоцненага рэжыму і штраф у памеры 500 базавых велічыняў (20 тысячаў рублёў). Таксама былі канфіскаваныя мабільныя тэлефоны, з якіх, як сцвярджаецца, палітвязень рабіў грашовыя пераводы. 

10 студзеня 2025 г. адбыўся разгляд апеляцыйнай скаргі ў Вярхоўным судзе. Старшыня судовай калегіі Ігар Любавіцкі.

17 студзеня 2024 г. унесены МУС у "спіс экстрэмістаў".

Утрымліваўся ў СІЗА № 1, пераведзены ў следчую турму № 4. 

Палітзняволенага бізнэсоўца асудзілі да пяці гадоў калоніі

"Наша ніва" паведамляе, што палітвязня Сяргея Юнчыца асудзілі да пяці гадоў пазбаўлення волі ў калоніі.