Анатоль Анатольевіч Старасвецкі — муж палітзняволенай Віталіі Бандарэнкі. Яго затрымалі пасля кароткатэрміновага спаткання з Віталіяй каля выхаду з калоніі і змясцілі ў ІЧУ Гомеля. Вядома, што цяпер мужчына знаходзіцца ў СІЗА-1 у Мінску.

Яго абвінавачваюць паводле ч. 1 (садзейнічанне экстрэмісцкай дзейнасці) і ч. 2 (садзейнічанне экстрэмісцкай дзейнасці, здзейсненае паўторна альбо групай асобаў) арт. 361-4 Крымінальнага кодэксу.

Вядома што Анатолю блакуюць ліставанне пасля пераводу на СІЗА-1. 

Суд над палітвязнем распачаўся 14 сакавіка 2024 г. у Мінгарсудзе. Справу разглядала суддзя Анжэла Касцюкевіч, якая 29 сакавіка прысудзіла Анатолю 4 гады пазбаўлення волі ў калоніі ўзмоцненага рэжыму. 

Быў пераведзены на СІЗА-2.

4 чэрвеня 2024 г. адбыўся разгляд апеляцыйнай скаргі Анатоля. Старшыня судовай калегіі Ігар Любавіцкі.

28 чэрвеня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Актуальны адрас невядомы.