Максім Андрэевіч Камкоў быў абвінавачаны ў абразе прадстаўніка ўлады па арт. 369 Крымінальнага кодэкса.

Справу разглядаў суддзя Віталь Лапко, дзяржабвінаваўца — старшы памочнік пракурора г. Наваполацка Сяргей Шынкевіч.

У судзе Наваполацка 4 кастрычніка 2022 года вынесены прысуд. Суд пастанавіў прызнаць Максіма Камкова вінаватым і прысудзіў яму абмежаванне волі тэрмінам на 1 год і 6 месяцаў з накіраваннем ва ўстанову адкрытага тыпу (“хімія”). Таксама пацярпелы Ляшко патрабаваў сплаціць яму матэрыяльную кампенсацыю маральных пакут, якія ён ацаніў у 1 500 рублёў. Камкоў выплаціў усю суму пацярпеламу, і грамадзянскі пазоў быў судом зняты.  

Пачаў адбываць пакаранне.

3 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Месца адбыцця пакарання ўдакладняецца.

Наваполацк: за абразу супрацоўніка міліцыі — паўтара года "хіміі"

У судзе Наваполацка 4 кастрычніка вынесены прысуд 40-гадоваму мясцоваму жыхару Максіму Камкову, абвінавачанаму ў абразе прадстаўніка ўлады па арт. 369 Крымінальнага кодэкса.