Іван Аляксандравіч Зянько — жыхар Мінска, першапачаткова асуджаны на пяць гадоў пазбаўлення волі ў калоніі агульнага рэжыму па трох артыкулах Крымінальнага кодэксу: арт. 364 (гвалт над супрацоўнікамі міліцыі), арт. 342 (актыўны ўдзел у групавых дзеяннях, што груба парушаюць грамадскі парадак), арт. 218 (пашкоджанне маёмасці).

Падзеі, за якія асудзілі мужчыну, адбываліся пасля 17-й гадзіны 11 кастрычніка 2020 года. Пад час разгону "Маршу гонару" каля станцыі метро “Пушкінская” ён і яшчэ трое абвінавачаных, як вынікае з матэрыялаў следства, перашкодзілі амапаўцам затрымаць чалавека, распачалі з імі бойку, нанеслі некалькі ўдараў па галовах і разбілі шкло ў службовым аўтамабілі.

Зянько сваёй віны не прызнаў.

Суд Фрунзенскага раёна Мінска 2 красавіка 2021 абвясціў прысуд па крымінальнай справе Яўгена Бароўскага, Івана Зянько, Аляксея Драба і Уладзіміра Кацкеля. Справу разглядала суддзя Юлія Блізнюк. Дзяржабвінаваўца — пракурорка Валерыя Таратынка. У справе — сем пацярпелых супрацоўнікаў АМАПу. Івану Зянько прысудзілі зняволенне ў калоніі агульнага рэжыму на тэрмін 5 гадоў.

У сярэдзіне лютага 2022 з'явілася інфармацыя, што Івана перавялі з ПК №17 у СІЗА-1 на Валадарскага. Яму выставілі новае абвінавачванне паводле арт. 342 КК. Вядома, што 16 сакавіка 2022 Івана змясцілі на 10 сутак у ШІЗА.

У судзе Фрунзенскага раёна Мінска 7 красавіка 2022 г. Івана Зянько другі раз асудзілі па «пратэсным» артыкуле. Ужо ў калоніі супраць мінчука распачалі новую крымінальную справу за ўдзел у акцыі пратэсту 9 жніўня 2020 году. Асноўным доказам віны з’яўлялася відэа, на якім «нявызначаная асоба» з заблюраным тварам на мітынгу ў Мінску інструктавала пратэстоўцаў, як стаць у «счэпку». Адвакат выказаў здагадку, што гэта супрацоўнік міліцыі. Пракурорка Аксана Саковіч запрасіла для Івана Зянько па новай крымінальнай справе па арт. 342 Крымінальнага кодэкса два гады калоніі — менавіта такое пакаранне і прызначыла суддзя Наталля Бугук. Але на канчатковы тэрмін гэта не паўплывала: у выніку палітвязень асуджаны да пяці гадоў калоніі.

Іван быў пераведзены з СІЗА-1 у магілёўскую Турму № 4, а пасля, у ліпені 2022, у шклоўскую ПК № 17. Амаль адразу яго змясцілі ў штрафны ізалятар за "парушэнне парадку". Пасля гэтага адміністрацыя калоніі адправіла Івана ў памяшканне камернага тыпу (ПКТ) да 19 лістапада і ініцыявала ўзбуджэнне крымінальнай справы паводле арт. 411 КК. Разгляд новай справы быў прызначаны на 21 кастрычніка, але пасля першага пасяджэння быў абвешачаны перапынак. Суд праходзіў на тэрыторыі калоніі, куды можна трапіць толькі з дазволу начальніка ўстановы. 

9 лістапада 2022 г. суддзя Аляксандр Тараканаў прысудзіў Івану ў дадатак да пяці гадоў зняволення яшчэ адзін год у калоніі. Пасля суда палітвязня перавялі ў Турму № 4 да разгляду апеляцыйнай скаргі, які мусіў адбыцца 9 лютага 2023 г. у Магілёўскім абласным судзе. Пазней палітвязня перавялі ў ПК № 9 у Горках.

У верасні 2023 года быў асуджаны дадаткова на 3 гады пазбаўлення волі за "гвалт у дачыненні да службовай асобы".

У сакавіку 2024 г. стала вядома, што Іван адбывае тэрмін у ПК № 8. 

На 12 сакавіка 2024 г. быў прызначаны суд над Іванам у судзе Аршанскага раёну і Оршы. Суддзя Дзмітрый Разумовіч перавёў палітвязня на турэмны рэжым на 3 гады. Пераведзены ў турму № 1. 

Палітвязню Івану Зянько, якога раней двойчы судзілі па "пратэсных" справах, дадалі яшчэ год зняволення

Гэта ўжо трэці суд над Іванам за два гады знаходжання за кратамі. "Вясна" распавядае пра пераслед палітвязня Івана Зянько.

Палітвязня, якому летась прысудзілі 5 гадоў калоніі, цяпер судзілі за "счэпку" 9 жніўня 2020 года

У судзе Фрунзенскага раёна Мінска 7 красавіка 2022 года другі раз асудзілі па "пратэсным артыкуле" палітзняволенага Івана Зянько.

Мінскай чацвёрцы, якая адбіла ад амапаўцаў чалавека — ад чатырох да пяці год калоніі і вялікая кампенсацыя пацярпелым

Суд Фрунзенскага раёна Мінска 2 красавіка 2021 года абвясціў прысуд па крымінальнай справе чатырох жыхароў сталіцы — Яўгена Бароўскага, Івана Зянько, Аляксея Драба і Уладзіміра Кацкеля.

 

Справа чатырох мінчукоў: пракурор запрасіў вялікія тэрміны зняволення і гіганцкія кампенсацыі пацярпелым амапаўцам

Суд Фрунзенскага раёна Мінска працягвае 19 сакавіка 2021 года разгляд крымінальнай справы ў дачыненні да чатырох жыхароў сталіцы — Яўгена Бароўскага, Івана Зянько, Аляксея Драба і Уладзіміра Кацкеля.

 

Працягваецца суд над чатырмя мінчукамі, якія далі адпор амапаўцам пры разгоне мітынгу

У судзе Фрунзенскага раёна Мінска 17 сакавіка 2021 года працягваецца разгляд крымінальнай справы ў дачыненні да чатырох жыхароў сталіцы — Яўгена Бароўскага, Івана Зянько, Аляксея Драба і Уладзіміра Кацкеля.

 

"Казалі - яшчэ раз зманіш, з буса жывым не выйдзеш". Працягваецца суд над чатырмя мінчукамі за гвалт над амапаўцамі

Разгляд крымінальнай справы ў дачыненні да чатырох жыхароў сталіцы — Яўгена Бароўскага, Івана Зянько, Аляксея Драба і Уладзіміра Кацкеля працягваецца сёння ў судзе Фрунзенскага раёна Мінска.