Аляксандр Мікалаевіч Паліўка быў затрыманы за каментары ў сацсетках. Адзін з праўладных тэлеграм-канал паказаў скрыншоты паведамленняў, якія ставяць у віну Паліўку. Напрыклад: "Калабарацыяністы і рабы, брыдка глядзець! Каб яны ўсё ўзлаваліся і гэтага фашыста вусатага на кол пасадзілі." Яго абвінавацілі па пяці крымінальных артыкулах: заклікі да мер абмежавальнага характару (санкцый) (ч. 3 арт. 361 КК), стварэнне экстрэмісцкага фармавання альбо ўдзел у ім  (ч. 3 арт. 361-1 КК), абраза прадстаўніка ўлады (арт. 369 КК), абраза Аляксандра Лукашэнкі (ч. 1 арт 368 КК) і паклёп на яго (ч. 2 арт. 367 КК). 

Вядома таксама, што ў ліпені 2023 года Аляксандр быў пад вартай (і аспрэчваў гэта праз суд). У жніўні сілавікі публікавалі "пакаяннае відэа" з мужчынам. У мужчыны засталіся двое непаўналетніх дзяцей.

Абвінавачанне запрасіла для Аляксандра сем год пазбаўлення волі ў калоніі ва ўмовах узмоцненага рэжыму, піша “Беларускае Радыё Рацыя”. Брэсцкі абласны суд 4 сакавіка 2024 года пагадзіўся з меркаванням пракурора і прысудзіў роўна столькі. Справу разглядала Суддзя Святлана Крамянеўская.

22 марта 2024 г. внесён МВД в "список экстремистов".

Жыхара Лунінца асудзілі да сямі год калоніі па шэрагу пратэсных артыкулаў

Брэсцкі абласны суд 4 сакавіка 2024 года вынес прысуд 36-гадоваму жыхару Лунінца Аляксандру Паліўка, абвінаваціўшы яго па пяці крымінальных артыкулах: заклікі да мер абмежавальнага характару (санкцый) (ч. 3 арт. 361 КК), стварэнне экстрэмісцкага фармавання альбо ўдзел у ім (ч. 3 арт. 361-1 КК), абраза прадстаўніка ўлады (арт. 369 КК), абраза Аляксандра Лукашэнкі (ч. 1 арт 368 КК) і паклёп на яго (ч. 2 арт. 367 КК).