Марыя Калеснікава

Cябра прэзідыума Каардынацыйнай рады, кіраўніца выбарчага штаба Віктара Бабарыкі

Дата нараджэння: 24 красавіка 1982

Дата затрымання: 7 верасня 2020

Прад'яўленыя абвінавачванні:

арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
ч. 1 арт. 357 Крымінальнага кодэкса — Змова з мэтай захопу ўлады неканстытуцыйным шляхам
арт. 361-1 Крымінальнага кодэкса — Стварэнне экстрэмісцкага фарміравання

Вынік суда: 11 гадоў

Від пакарання: пазбаўленне волі ў калоніі агульнага рэжыму

Суддзя: Епіхаў Сяргей

Месца зняволення: СІЗА-1

Cябра прэзідыума Каардынацыйнай рады, кіраўніца выбарчага штаба Віктара Бабарыкі.

Марыя Аляксандраўна Калеснікава родам з Мінска. Па яе ўласных расказах, яе бацька Аляксандр Калеснікаў служыў на падводнай лодцы і выкладаў у авіяцыйным каледжы. Маці — таксама інжынэр.

У 2007 годзе Марыя Калеснікава пераехала ў Германію. Спачатку вучылася ў Вышэйшай школе музыкі ў Штутгарце, а пасля прымала ўдзел у канцэртах, займалася арганізацыяй міжнародных культурных праектаў як там, так і ў роднай краіне. Шмат падарожнічала — цікавілася культурнымі выставамі і фестывалямі ў Італіі, Польшчы і Літве. Жывучы ў Германіі, Марыя кожны дзень тэлефанавала сям'і.

У 2017 годзе Белгазпрамбанк, старшынёй праўлення якога быў вядомы ў краіне банкір Віктар Бабарыка, купіў тры пустых цэха Мінскага станкабудаўнічага завода. Былыя завадскія памяшканні пераабсталявалі ў культурны хаб — Ok16. Як тады казалі, гэта месца павінна было стаць інкубатарам культурных праектаў і эканамічных інструментаў будучыні. Арт-дырэктарам праекта стала Марыя Калеснікава.

Тады Калеснікава казала, што мэта такіх праектаў — прыцягваць людзей, неабыякавых да мастацтва, да абмеркавання сацыяльных праблем, фарміраваць звычку наведваць культурныя мерапрыемствы і жаданне марнаваць грошы на мастацтва і ўражанні ад яго.

Менавіта дзякуючы гэтаму праекту банкір Віктар Бабарыка пазнаёміўся з Марыяй Калеснікавай. 12 мая Бабарыка высунуў сваю кандыдатуру для ўдзелу ў выбарах прэзідэнта. І менавіта тады ж Марыя Калеснікава вырашыла, што таксама падтрымае Бабарыка.

Марыя была выкрадзеная 7 верасня ў Мінску і разам з яшчэ дзвюма сябрамі Каардынацыйнай рады, Антонам Радненковым і Іванам Краўцовым, гвалтоўна прывезеная на беларуска-украінскую мяжу для выдварэння з краіны. Аднак парваўшы свой пашпарт на памежным пераходзе і выскачыўшы з аўтамабіля, Марыя Калеснікава перашкодзіла рэалізаціі спецаперацыі сілавікоў.

9 верасня стала вядома, што жанчына затрыманая і падазраецца ў крымінальным злачынстве па ч. 3 арт. 361 Крымінальнага кодэкса (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь).

12 верасня стала вядома, што Марыю Калеснікаву перевялі ў СІЗА г. Жодзіна.

21 снежня стала вядома, што па паручэнні Генпракуратуры Следчы камітэт распачаў крымінальную справу аб змове з мэтай захопу ўлады неканстытуцыйным шляхам (частка 1 артыкула 357 КК) супраць членаў Каардынацыйнага савета. Таксама Марыя Калеснікава стала фігуранткай крымінальнай справы аб стварэнні экстрэмісцкага фарміравання (артыкул 361-1 КК), таксама ўзбуджанай супраць Каардынацыйнай рады.

Ноччу 8 студзеня Марыю перавялі ў СІЗА-1 у Мінск.

11 лютага стала вядома, што Максіму Знаку і Марыі Калеснікавай выставілі новыя абвінавачванні: змова з мэтай захопу дзяржаўнай улады неканстытуцыйным шляхам (ч. 1 арт. 357 КК), стварэнне экстрэмісцкага фарміравання і кіраўніцтве ім (ч.1 арт. 361-1 КК).

6 верасня ў будынку Мінскага раённага суда пасля месяцу разгляду крымінальнай справы вынесеныя прысуды палітзняволеным Марыі Калеснікавай і Максіму Знаку. Суддзя Мінскага абласнога суда Сяргей Епіхаў прызнаў іх вінаватымі ў закрытым рэжыме па трох артыкулах Крымінальнага кодэкса: ч. 3 арт. 361 (заклікі да дзеянняў супраць нацбяспекі), ч. 1 арт. 357 (змова з мэтай захопу дзяржаўнай улады неканстытуцыйным шляхам), ч. 1 арт. 361-1 (стварэнне экстрэмісцкага фармавання і кіраўніцтва ім) і асудзіў да 10 (Максіма) і 11 (Марыю) гадоў пазбаўлення волі. Знаку прызначылі ўзмоцнены рэжым калоніі, Калеснікавай — агульны.

24 снежня 2021 Вярхоўны суд разгледзіць апеляцыйныя скаргі на прысуд па справе Марыі Калеснікавай і Максіма Знака. Пасяджэнне пачнецца ў 9:30 па адрасе вул. Арлоўская, 76.

Палітзняволеную Марыю Калеснікаву амаль восем месяцаў утрымліваюць у адзіночнай камеры

Марыя Калеснікава, якой прысудзілі 11 гадоў калоніі агульнага рэжыму, 12 лістапада сустрэлася ў СІЗА са сваім бацькам. Аляксандр Калеснікаў распавёў пра тое, як праходзіла сустрэча

Палітзняволеных Марыю Калеснікаву і Максіма Знака асудзілі да 11 і 10 гадоў калоніі адпаведна

6 верасня ў будынку Мінскага раённага суда пасля месяцу разгляду крымінальнай справы вынесеныя прысуды палітзняволеным Марыі Калеснікавай і Максіму Знаку.

Калеснікава звярнулася ў СК: мне пагражалі, надзелі на галаву мяшок

"У прыватнасці, заяўлялася, што ў выпадку, калі я добраахвотна не пакіну тэрыторыю Рэспублікі Беларусь, мяне ўсё роўна вывезуць: жывой ці па частках", — піша палітык

«Я кожную раніцу бяру рыдлёўку і капаю»

Інтэрв'ю Марыі Калеснікавай "Новой газете"

 

Адрас для лістоў: СІЗА-1. 220030, г. Мінск, вул. Валадарскага, 2

Палітвязні знаходзяцца па адрасах:

Што варта ведаць і як дапамагчы?