Андрэй Віктаравіч Шкляр — былы сілавік, які хацеў звольніцца на знак пратэсту. Вядома, што мужчына быў затрыманы ў снежні 2021 году. Андрэй працаваў інспектарам крымінальна-выканаўчай сістэмы Кастрычніцкага РАУС Гродна, незадоўга да арышту падаў рапарт на звальненне праз нязгоду з тым, як працуе сістэма. 

Справу пачалі разглядаць у Гродзенскім абласным судзе 20 лютага 2023 г. Палітзняволенаму інкрымінавалі ч. 1 арт. 356 КК (здрада дзяржаве) і арт. 407 КК (разгалошванне дадзеных папярэдняга следства ці закрытага судовага пасяджэння).

Суддзя Васіль Скок 2 сакавіка 2023 г. прызначыў Андрэю Шкляру 10 гадоў зняволення ва ўмовах узмоцненага рэжыму і штраф у памеры 200 базавых велічыняў.

Разгляд апеляцыйнай скаргі адбуыўся ў Вярхоўным судзе 16 траўня 2023 г.

Калонія, у якую перавялі Андрэя з турмы № 1, высвятляецца. 

У Гродне былога сілавіка асудзілі да 10 гадоў калоніі за "здраду дзяржаве"

Суд праходзіў у закрытым рэжыме, таму падрабязнасці справы невядомыя. Па справе адбылося пяць судовых пасяджэнняў.