Зміцер Вячаслававіч Дашкевіч — актывіст, былы старшыня "Маладога фронту". Удзельнічае ў грамадска-палітычным жыцці з 2001 года, у апошнія гады шмат часу прысвячаў абароне Курапатаў.

Змітра затрымалі 23 сакавіка 2022 года пасля ператрусу ў кватэры. Спачатку яго арыштавалі на 15 сутак па адміністрацыйным артыкуле, а затым перазатрымалі ўжо па крымінальнай справе па ч. 1 арт. 342 Крымінальнага кодэксу (Групавыя дзеянні, якія груба парушаюць грамадскі парадак) за ўдзел у акцыі пратэсту 23 жніўня 2020 года. Таксама абвінавачванне было выстаўленае ягонай жонцы Насце. Змітра перавялі ў СІЗА-1.

14 ліпеня 2022 г. у судзе Маскоўскага раёна Мінска быў вынесены прысуд. Суддзя Таццяна Пірожнікава прызнала палітвязня і ягоную жонку, якая нядаўна нарадзіла чацвёртае дзіця, вінаватымі і прызначыла Змітру паўтара года калоніі, а Насце — тры гады "хатняй хіміі".

На пачатку кастрычніка 2022 г. Змітра этапавалі ў ПК № 14, дзе адразу змясцілі ў ШІЗА.

МУС уключыў палітвязня ў спіс "экстрэмістаў".

11 ліпеня 2023 г. палітвязень мусіў выйсці на волю, аднак на яго завялі новую крымінальную справу за "злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі" (арт. 411 КК) і перавялі ў Следчую турму № 8.

У судзе Барысаўскага раёна 28 ліпеня 2023 г. разглядалася скарга абаронцы Дашкевіча на пастанову аб прымяненні меры стрымання ў выглядзе заключэння пад варту. Рашэнне прымала суддзя Таццяна Шыман. Хутчэй за ўсё, скаргу не задаволілі.

У судзе Барысаўскага раёна 11 кастрычніка 2023 г. над актывістам распачаўся новы суд па арт. 411 КК (злоснае непадпарадкаванне патрабаванням адміністрацыі калоніі). 18 кастрычніка суддзя Таццяна Дзеравянка прызначыла палітвязню яшчэ адзін год калоніі ва ўмовах строгага рэжыму.

У жодзінскай турме Змітра паўгады трымалі ў карцары.

У студзені 2024 г. палітвязня зноў перавялі ў ПК № 14. У калоніі яго змясцілі ў ШІЗА, дзе страшна халодна. За ноч Змітру даводзіцца ўставаць да васьмі разоў, каб зрабіць зарадку і хоць неяк сагрэцца. За гэта на яго складаюць рапарты, што "не ляжыць пасля адбоя". 

Напрыканцы траўня 2024 г. стала вядома, што супраць Змітра завялі новую крымінальную справу — яму ставяць у віну "злоснае непадпарадкаванне адміністрацыі калоніі" (ч. 1 арт. 411 КК). 

Над палітвязнем пачаўся новы суд, яго абвінавачваюць паводле "народнага" арт. 342 КК (актыўны ўдзел у групавых дзеяннях, якія груба парушаюць грамадскі парадак). Разгляд распачаўся 17 ліпеня 2024 г. у судзе Першамайскага раёна Мінска (пасяджэнні таксама адбыліся 17 і 22 ліпеня, 2 верасня). Справу разглядае Анастасія Кулік.

23 і  25 верасня 2024 г. працягнуўся разгляд справы Змітра ў судзе Першамайскага раёна Мінска паводле ч. 1 арт. 342 КК (арганізацыя і падрыхтоўка дзеянняў, што груба парушаюць грамадскі парадак), а таксама паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Суддзя Анастасія Кулік прызнала яго вінаватым і прызначыла яшчэ адзін год і тры месяцы калоніі.

СІЗА, у якім утрымліваецца палітвязень, невядомае. 

Палітвязню Змітру Дашкевічу дадалі яшчэ 1 год і 3 месяцы зняволення

Суд Першамайскага раёна Мінска ў верасні разглядзеў чарговую крымінальную справу супраць палітзняволенага Змітра Дашкевіча. Гэтым разам актывіста абвінавацілі паводле арт. 342 КК (актыўны ўдзел у групавых дзеяннях, якія груба парушаюць грамадскі парадак), а таксама ч. 1 арт. 411 КК (злоснае непадпарадкаванне патрабаванням адміністрацыі калоніі). Суддзя Анастасія Кулік прызнала яго вінаватым і прызначыла яшчэ адзін год і тры месяцы калоніі.

Палітзняволенаму актывісту Зміцеру Дашкевічу прызначылі яшчэ адзін год калоніі

У судзе Барысаўскага раёна 19 кастрычніка вынеслі прысуд палітзняволенаму актывісту Зміцеру Дашкевічу, які павінен быў выйсці на волю з папраўчай калоніі № 14 па заканчэнні тэрміну 11 ліпеня 2023 года.

У Барысаве па новай крымінальнай справе судзяць палітвязня Змітра Дашкевіча

Працэс вядзе суддзя Таццяна Дзеравянка.

1,5 года калоніі і 3 гады "хатняй хіміі" — сям'і Дашкевічаў вынесены прысуды

"Я не разумею, што адбывацца... Людзі з вышэйшымі юрыдычнымі адукацыямі лічаць, што злачынца — гэта той, хто супраць гвалту выйшаў, а не той, хто робіць гвалт. Злачынцамі яны лічаць таго, хто хоча праўды, а не таго, хто кажа "Часам не да законаў". Спадзяюся на Божую волю, хоць я не разумею, што адбываецца".

Пракурор просіць прызначыць Змітру і Насце Дашкевічам па 1,5 года калоніі

У судзе і Зміцер, і Наста адмовіліся ад дачы паказанняў. Яны прызналі на працэсе толькі тое, што сапраўды прысутнічалі на Маршы 23 жніўня 2020 года. У матэрыялах справы тры тома — яны агалошваюцца ў судзе. На працэсе пералічваюцца ўсе арышты, штрафы і крымінальны пераслед Змітра з 1999 года.

Зміцер Дашкевіч ужо быў раней палітычным зняволеным. У 2006 годзе ён быў абвінавачаны ў дзейнасьці ад імя незарэгістраванай арганізацыі, асуджаны на паўтара года зняволеньня. 24 сакавіка 2011 году суддзя Маскоўскага раённага суду Мінску Алена Шылько асудзіла яго на 2 гады зняволеньня нібыта за хуліганства. Суд прызнаў, што 18 снежня 2010 году Дашкевіч і актывіст "Маладога фронту" Лобаў збілі ў Мінску мінакоў. Дашкевіч і Лобаў назвалі гэта правакацыяй спэцслужбаў напярэдадні прэзыдэнцкіх выбараў. Дашкевіч адбываў пакараньне ў горацкай калоніі № 9, глыбоцкай калоніі № 13, мазырскай калоніі № 20, "крытай турме" Гродна. 28 жніўня 2012 году ў глыбоцкай калоніі асуджаны зноў — за "злоснае непадпарадкаваньне патрабаванням адміністрацыі калоніі". Суд у закрытым рэжыме дадаў да тэрміну яшчэ адзін год. Вызвалены па адбыцці тэрміну пакарання.