Жанну Пятроўну Волкаву затрымалі ў школе № 63, куды жанчына прыйшла для сустрэчы з настаўніцай яе дзіцяці 11 траўня. Па паведамленнях СМІ, падчас пратэстаў 2020 года міліцыя затрымлівала Волкаву па адміністрацыйных артыкулах.

Цяпер Жанна Волкава знаходзіцца ў гомельскім СІЗА.

Закрытае пасяджэнне ў Гомельскім абласным судзе прызначанае на 9 кастрычніка 2023 г. Суддзя Алег Харошка.

18 кастрычніка 2023 г. вынесены прысуд  палітзняволенай. Яе абвінавацілі па некалькіх артыкулах Крымінальнага кодэкса: ч. 1 арт. 367  (паклёп у дачыненні да Лукашэнкі), ч. 1 арт. 368 (абраза Лукашэнкі), ч. 1 і ч. 2 арт. 361-4 (садзейнічанне экстрэмісцкай дзейнасці), ч. 1 арт. 342  (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), ч. 1 арт. 130 (распальванне іншай сацыяльнай варожасці або варажнечы) і ч. 1 арт. 361-4 (садзейнічанне экстрэмісцкай дзейнасці).

Суд вынес жанчыне пакаранне ў выглядзе пазбаўлення волі тэрмінам на тры гады калоніі ва ўмовах агульнага рэжыму.

5 студзеня 2024 г. адбыўся разгляд апеляцыйнай скаргі Жаны на закрытым пасяджэнні. Старшыня судовай калегіі Уладзімір Давыдаў.

19 студзеня 2024 г. унесена МУС у "спіс экстрэмістаў".

У лютым 2024 г. пераведзена з СІЗА № 3 у ПК № 4. 

Маці дваіх дзяцей асудзілі ў Гомелі па шэрагу пратэсных артыкулаў

Суд вынес жанчыне пакаранне ў выглядзе пазбаўлення волі тэрмінам на тры гады калоніі ва ўмовах агульнага рэжыму.

У Гомелі па шэрагу артыкулаў, у тым ліку і "па справе Зэльцэра", судзяць маці дваіх дзяцей

Жанну Волкаву затрымалі 11 траўня 2023 года ў школе № 63, куды жанчына прыйшла для сустрэчы з настаўніцай яе дзіцяці.