Артур Халімончык
Дата нараджэння: 7 сакавіка 1989
Дата затрымання: 10 жніўня 2020
Прад'яўленыя абвінавачванні:
ч. 2 арт. 293 Крымінальнага кодэкса — Удзел у масавых беспарадках
Вынік суда: 6 гадоў
Від пакарання: пазбаўленне волі ў калоніі ўзмоцненага рэжыму
Суддзя: Брэган Яўген
Месца зняволення: ПК №15
Артур Мікалаевіч Халімончык быў затрыманы ў Пінску ў ноч з 9 на 10 жніўня 2020 года.
Прад'яўлена абвінавачванне па ч. 2 арт. 293 Крымінальнага кодэкса — "Удзел у масавых беспарадках".
Сімвалічны "хросны" у межах кампаніі #WeStandByYou - дэпутат Бундэстага Германіі Дзітрых Монштадт:
“Я далучаюся да патрабаванняў вызваліць збольшага маладых людзей, якія несправядліва апынуліся за кратамі. Для мяне гонар стаць “хросным” Артура Халімончыка. Я патрабую яго неадкладнага вызвалення, а таксама вызвалення ўсіх іншых незаконна затрыманых палітвязняў”.
Суд Маскоўскага раёна Брэста 30 красавіка 2021 года вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Артура Халімончыка асудзілі да 6 гадоў калоніі ўзмоцненага рэжыму.