Вячаслава Аляксеевіча Янюка абвінавацілі ў масавых беспарадках паводле ч. 1 арт. 293 Крымінальнага кодэкса.

Суд Кастрычніцкага раёна Гродна 23 чэрвеня 2023 года пастанавіў прызнаць Янюка вінаватым у падрыхтоўцы да арганізацыі масавых беспарадкаў, якія суправаджаюцца гвалтам над асобай, пагромамі і прызначыў яму пакаранне ў выглядзе пазбаўлення волі на тэрмін пяць гадоў з адбываннем пакарання ў папраўчай калоніі ва ўмовах узмоцненага рэжыму. Працэс вяла суддзя Маргарыта Ланцэвіч.

Гродзенскі абласны суд, разглядаючы 8 жніўня 2023 года апеляцыйную скаргу на прысуд, выключыў з апісальнай часткі ўказанне аб падрыхтоўцы абвінавачанага да арганізацыі масавых беспарадкаў, якія суправаджаюцца пагромамі, пакінуўшы пры гэтым ранейшы тэрмін пакарання.

18 жніўня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Месца, дзе адбывае тэрмін палітвязень пасля турмы-1, пакуль невядомае.

За каментары з заклікам ўдзельнічаць у акцыях пратэсту гарадзенцу прысудзілі пяць год калоніі

У cудзе Кастрычніцкага раёна Гродна вынесены прысуд 30-гадоваму Вячаславу Янюку, абвінавачанаму ў масавых беспарадках паводле ч. 1 арт. 293 Крымінальнага кодэкса.