Аляксандр Лопух

Палітвязень

Дата нараджэння: 30 траўня 1982

Дата затрымання: 24 сакавіка 2021

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 5 гадоў і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Філонік Вера

Пракурор: Дайнэка Міхаіл, Ляшок Сцяпан

Месца зняволення: ПК № 15

Справы: Пратэсты Пінск

Заява аб прызнанні палітвязнем

Аляксандр Уладзіміравіч Лопух - фігурант справы аб масавых беспарадках (ч. 2 арт. 293 Крымінальнага кодэкса), узбуджанай па падзеях у Пінску ў ноч пасля выбараў 9 жніўня.

Вядома, што 24 сакавіка 2021 года Аляксандра затрымалі ў Пінску і змясцілі пад варту.

6 ліпеня 2021 года ў судзе Маскоўскага раёна г. Брэста быў агучаны прысуд: суддзя Вера Філонік прызначыла Аляксандру Лопуху 5 гадоў і 6 месяцаў пазбаўлення волі з адбываннем пакарання ва ўмовах узмоцненнага рэжыму.

У лістападзе стала вядома, што Аляксандра Лопуха перавялі з СІЗА-6 у ПК-15.

Храналогія судовага працэсу:

У Брэсце пачаўся суд над другой партыяй абвінавачаных па "Пінскай справе"

У судзе Маскоўскага раёна Брэста 31 траўня 2021 года распачаўся разгляд крымінальнай справы па масавых беспарадках у Пінску ў ноч з 9 на 10 жніўня 2020 года ў дачынні да ячшэ 11 чалавек.

Ад 4 да 5,5 гадоў пазбаўлення волі запрасіў пракурор для яшчэ 10 фігурантаў "Пінскай справы"

Падчас спрэчак бакоў дзяржабвінаваўца ўказаў, што ўсе абвінавачаныя ў судзе заявілі, што з розных прычын знаходзіліся каля Пінскага гарвыканкама ў ноч з 9 на 10 жніўня 2020 года.

“Феміда выраніла шалі, але не хочацца, каб яна яшчэ і заплакала”. Што казалі палітвязні ў апошнім слове па "Пінскай справе"

ПЦ "Вясна" прыводзіць пазіцыю абаронцаў і апошнія словы абвінавачаных.

У Брэсце вынеслі прысуды другой партыі абвінавачаных па "Пінскай справе"

6 ліпеня 2021 года у судзе Маскоўскага раёна г. Брэста агучаны прысуд у дачыненні да другой партыі абвінавачаных па крымінальнай справе аб масавых беспарадках у Пінску ў ноч з 9 на 10 жніўня 2020 года.