Віктар Бедрый

Дата нараджэння: 24 чэрвеня 1979

Дата затрымання: 25 сакавіка 2022

Прад'яўленыя абвінавачванні:

арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь

Вынік суда: 3 гады

Від пакарання: пазбаўленне волі ў калоніі ва ўмовах узмоцненага рэжыму

Дата пачатку адбыцця пакарання: 25 сакавіка 2022

Суддзя: Царук Руслан

Пракурор: Канапелькіна Юлія

Месца зняволення: ПК № 22

Заява аб прызнанні палітвязнем

Віктар Бедрый

Віктар Пятровіч Бедрый — адміністратар тэлеграм-канала "Петрыкаў 97%".

25 сакавіка 2022 года суд прызнаў Віктара Бедрыя вінаватым па арт. 361-1 (стварэнне экстрэмісцкага фармавання або ўдзел ў ім) і асудзіў да трох гадоў калоніі ва ўмовах узмоцненага рэжыму. Віктара ўзялі пад варту ў зале суда.

У кастрычніку палітвязня этапавалі з СІЗА-3 у ПК № 22.

Двух адміністратараў тэлеграм-канала «Петрыкаў 97%» асудзілі да трох і пяці гадоў калоніі

У Гомельскім абласным судзе 25 сакавіка разглядзелі крымінальныя справы супраць двух адміністратараў тэлеграм-канала «Петрыкаў 97%». 42-гадовага жыхара Петрыкава Віктара Бедрыя i 25-гадовага майстра з Петрыкава Яўгена Клiмава прызналі вінаватымі ў кіраўніцтве экстрэмісцкім фарміраваннем — тэлеграм-каналам «Петрыкаў 97%» (ч. 1 арт. 361-1 Крымінальнага кодэкса). Акрамя гэтага, Яўгена прызналі вінаватым у распальванні сацыяльнай варожасці за рэпост паведамлення пра АМАП з тэлеграм-канала «Nexta». Суддзя Руслан Царук асудзіў Віктара і Яўгена да трох і пяці гадоў калоніі ва ўмовах узмоцненага рэжыму адпаведна. У СІЗА да суда Клімаў утрымліваўся тры месяцы, а Бедрыя ўзялі пад варту ў зале суда. Дзяржабвінавачванне падтрымлівала пракурорка Юлія Канапелькіна.