Васіль Васільевіч Прохараў затрыманы разам з сям'ёй — жонкай Ларысай, сынам Паўлам, дачкой Анастасіяй (якую пазней адпусцілі без прад'яўлення абвінавачвання). 

Васіль родам з горада Чарнобыль, у якім знаходзілася сумна вядомая атамная электрастанцыя. Прохараў служыў у дэсантных войсках. Потым працаваў на будоўлях і падпрацоўваў грузаперавозкамі, а таксама вёў невялікі блог. У блогу Васіль распавядае пра свае вандроўкі ў Чарнобыльскую зону, асаблівасці працы і свой быт. Вядома, што ён пацярпелы ў аварыі на ЧАЭС.

Суд над сям'ёй, а таксама над Фёдарам Аксёненкам і Русланам Прахарэнкам пачаўся 20 траўня 2024 года ў Гомельскім абласным судзе (Суддзя Вадзім Бобыраў). Агулам групу абвінавачваюць па чатырох артыкулах — «здрада дзяржаве» (ч. 1 арт. 356 КК), «распальванне варожасці ці варажнечы» (ч. 1 арт. 130 КК), «садзейнічанне экстрэмісцкай дзейнасці» (ч. 1 арт. 361-4 КК) і «неданясенне пра злачынства» (ч. 1 арт. 406 КК). Але дакладна невядома, каго з іх вінавацяць па якім артыкуле, акрамя таго, што сям'ю Прохаравых па арт. 356 КК. 

20 траўня 2024 году ў Гомельскім абласным судзе Васіля Прохарава асудзілі да 11 гадоў пазбаўлення волі. Прысуд агучыў суддзя Вадзім Бобыраў.

Цэлую сям'ю з-пад Гомеля судзяць за «здраду дзяржаве» — бацька-чарнобылец, маці-санітарка і сын-будаўнік

Стала вядома, па якіх артыкулах будуць судзіць сям'ю Прохаравых з беларуска-украінскага памежжа. Ім можа пагражаць да пятнаццаці гадоў калоніі