Уладзіслаў Валер'евіч Купрыянаў працаваў інжынерам у "Магілёўскіх гарадскіх электрычных сетках". Быў затрыманы на пачатку жніўня 2022 года.

Яго вінавацяць у тым, што ён ўвосень 2020 года нібыта перадаваў звесткі пра месца жыхарства дзяржслужачых і сілавікоў "Чорнай кнізе Беларусі".

Уладзіславу выставілі абвінавачванні паводле ч. 3 арт. 352 КК (Неправамернае завалоданне камп'ютарнай інфармацыяй), ч. 3 арт. 203-1 КК (Незаконныя дзеянні ў дачыненні да інфармацыі пра прыватнае жыццё і персанальныя дадзеныя) і ч. 3 арт. 130 КК (Распальванне расавай, нацыянальнай, рэлігійнай або іншай сацыяльнай варожасці ці варажнечы).

Палітвязня перавялі з СІЗА-1 у СІЗА-3.

Справу Уладзіслава пачалі разглядаць 24 лютага 2023 г. у Гомельскім абласным судзе. 13 красавіка суддзя Мікалай Доля прызнаў палітзняволенага вінаватым у распальванні расавай, нацыянальнай, рэлігійнай ці іншай сацыяльнай варожасці ці варажнечы, здзейсненай групай асоб, паводле ч. 3 арт. 130 Крымінальнага кодэкса і прызначыў пакаранне ў выглядзе пяці гадоў пазбаўлення волі ў калоніі ўзмоцненага рэжыму.

Разгляд апеляцыйнай скаргі палітвязня была прызначана на 27 чэрвеня ў Вярхоўным судзе.

7 ліпеня 2023 г. МУС унесла палітвязня ў "спіс экстрэмістаў".

13 ліпеня 2023 г. КГБ дадаў палітвязня ў "тэрарыстычны спіс".

Дзе адбывае пакаранне Уладзіслаў - высвятляецца. 

У Гомелі вынесены прысуд жыхару Магілёва за перадачу звестак сілавікоў "Чорнай кнізе Беларусі"

Уладзіслава Купрыянава абвінавацілі ў тым, што ўвосень 2020 года, падчас пратэстаў пасля прэзідэнцкіх выбараў, ён нібыта перадаваў звесткі пра месца жыхарства дзяржаўных службоўцаў і супрацоўнікаў сілавых структур "Чорнай кнізе Беларусі".