Уладзімір Іванавіч Кніга — фігурант "справы Ціханоўскага", распачатай пасля выбарчага пікету 29 траўня 2020 года ў Гродне. Кніга быў затрыманы праз некалькі дзён — 4 чэрвеня. Быў валанцёрам каманды Святланы Ціханоўскай, былы сілавік.

29 траўня 2020 г. у Гродне падчас правядзення пікету па зборы подпісаў грамадзян у падтрымку вылучэння ў якасці кандыдата ў прэзідэнты Святланы Ціханоўскай супрацоўнікамі міліцыі быў затрыманы кіраўнік ініцыятыўнай групы, блогер папулярнага YouTube канала “Краіна для жыцця”  Сяргей Ціханоўскі і яшчэ, як мінімум 15 грамадзян, якія прымалі ўдзел у пікеце. Затрыманне адбылося пасля таго, як некалькі жанчын спрабавалі стварыць канфліктную сітуацыю. Інцыдэнт скончыўся ўмяшальніцтвам міліцыі, дэманстрацыйным падзеннем супрацоўніка міліцыі на зямлю і затрыманнем Ціханоўскага і іншых удзельнікаў пікету АМАПам. Была ўзбуджана крымінальная справа па артыкуле 342 Крымінальнага кодэксу (Арганізацыя і актыўны ўдзел у групавых дзеяннях, якія груба парушаюць грамадскі парадак).

На Кнігу была таксама заведзена справа па арт. 364 КК (Гвалт у дачыненні да міліцыі).

2 чэрвеня 2021 года пасля доўгага судовага працэсу ў гродзенскім судзе Уладзіміру Кнігу прысудзілі чатыры гады калоніі ва ўмовах строгага рэжыму.

На пачатку ліпеня 2022 года праваабаронцам стала вядома, што Уладзіміра Кнігу перавялі з папраўчай калоніі № 14 у Навасадах у гродзенскую турму № 1. Палітвязню ўзмацнілі рэжым і памянялі яго на турэмны.

У сярэдзіне жніўня 2022 года палітвязня перавялі ў жодзінскую СТ № 8. Вядома, што там яго больш за чатыры месяцы ўтрымлівалі ў ШІЗА.

У судзе г. Жодзіна 25 ліпеня 2023 г. палітзняволенага асудзілі паводле арт. 411 КК (злоснае непадпарадкаванне законным патрабаванням адміністрацыі турмы). Суддзя Іван Грынкевіч прызнаў Уладзіміра вінаватым і прызначыў яму яшчэ адзін год зняволення ў дадатак да чатырох гадоў калоніі.

Утрымліваецца ў следчай турме № 8.

Па стане на лета 2024 г. адбывае тэрмін у ПК № 14. 

З верасня 2023 года Уладзіміра ўтрымліваюць у рэжыме інкамунікада. Яго змясцілі ў ПКТ і рэгулярна выпісваюць новыя парушэнні. Акрамя гэтага, пазбавілі перадач, спатканняў і званкоў. 

Палітвязня Уладзіміра Кнігу змясцілі ў ПКТ. Больш за год з ім няма сувязі

Фігуранта "справы Ціханоўскага" Уладзіміра Кнігу ўтрымліваюць у няволі чатыры гады і чатыры месяцы, з іх больш за год і тры месяцы — у рэжыме інкамунікада без сувязі са знешнім светам. Летась палітвязню дадалі яшчэ адзін год зняволення па новай крымінальнай справе і перавялі ў барысаўскую калонію № 14. Па інфармацыі "Вясны", там на Уладзіміра працягваюць аказваць ціск: яго змясцілі ў ПКТ і рэгулярна выпісваюць новыя парушэнні. Акрамя гэтага, яго пазбавілі перадач, спатканняў і званкоў.

Падрабязнасці пра суд:

“Беларусь будзе сапраўднай краінай для жыцця”. Фігуранты “справы Ціханоўскага” ў Гродне выступілі з апошнімі словамі ў судзе

"Вясна" прыводзіць стэнаграму апошніх выступаў на судзе Дзмітрыя Фурманава, Яўгена Разнічэнкі і Уладзіміра Кнігі, на якіх яны прачыталі беларускі верш, прааналізавалі абвінавачванне і яшчэ раз выказалі сваю пазіцыю па справе.

Як у Гродне судзяць чатырох фігурантаў "справы Ціханоўскага". Фотарэпартаж

"Вясна" працягвае назіраць за гэтым працэсам. Распавядаем і паказваем, як у Гродне судзяць чатырох фігурантаў "справы Ціханоўскага".

Па "справе Ціханоўскага" дапыталі ўсіх пацярпелых міліцыянтаў. Што яны распавялі пра падзеі 29 траўня ў Гродне

У судзе Кастрычніцкага раёна Гродна працягваецца разгляд справы за інцыдэнт на выбарчым пікеце 29 траўня па так званай "справе Ціханоўскага". 

"Я працаваў у МУС, магу адрозніць правакацыю ад сапраўднай сітуацыі": у гродненскім судзе дапыталі Уладзіміра Кнігу

У судзе Кастрычніцкага раёну Горадні 20 красавіка па "справе Ціханоўскага" дапыталі абвінавачанага Уладзіміра Кнігу. 39-гадовага валанцёра каманды Ціханоўскай, былога сілавіка, судзяць па двух артыкулах Крымінальнага кодэкса: у арганізацыі дзеянняў, якія груба парушаюць грамадскі парадак, (ч. 1 арт. 342 КК) і гвалце над міліцыянтамі (арт. 364 КК).

У Гродне трох фігурантаў "справы Ціханоўскага" асудзілі на тэрміны ад 2 да 4 гадоў калоніі

2 чэрвеня, вынеслі прысуд па гэтай гучнай справе. Траіх фігурантаў абвінавацілі ў актыўным удзеле ў дзеяннях, якія груба парушаюць грамадскі парадак 29 траўня ў Гродне (ч.1 арт. 342 КК). Акрамя гэтага, Разнічэнку і Кнігу прызналі вінаватымі ў гвалтоўных дзеяннях у дачыненні да міліцыянтаў (арт. 364 КК).