Уладзімір Уладзіміравіч Астапчык быў затрыманы 21 ліпеня 2022 года ў межах крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу). Яго змясцілі ў СІЗА-1.

Вядома, што Уладзімір любіць паходы, матацыклы, камп'ютарныя гульні, міфалогію, актыўна займаецца спортам.

У выніку палітвязню выставілі абвінавачванне паводле ч. 1 арт. 130 КК (Распальванне расавай, нацыянальнай, рэлігійнай або іншай сацыяльнай варожасці ці варажнечы).

Справу палітвязня разглядалі ў Мінскім гарадскім судзе. Суддзя Вера Галаўкова 14 красавіка 2023 г. прызнала Уладзіміра вінаватым і асудзіла яго да чатырох гадоў зняволення ў калоніі ва ўмовах агульнага рэжыму.

У пачатку траўня 2023 г. Уладзіміра этапавалі ў магілёўскую Турму № 4.

Разгляд апеляцыйнай скаргі палітвязня была прызначана на 27 чэрвеня 2023 г. у Вярхоўным судзе.

4 жніўня 2023 г. МУС унёс палітзняволенага ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Адбывае пакаранне ў ПК № 15.

Чатыры гады пазбаўлення волі за адміністраванне Telegram-канала вынес суд Уладзіміру Астапчыку

Пасля затрымання 21 ліпеня 2022 года 30-гадовага палітзняволенага Уладзіміра Астапчыка ўтрымлівалі ў СІЗА № 1 Мінска. Таксама вядома, што яго затрымлівалі і раней. Так, 8 лістапада 2020 года ён быў пакараны адміністрацыйным арыштам на 12 сутак за ўдзел у несанкцыянаваным масавым мерапрыемстве.