Яўген Клімаў

Дата нараджэння: 21 кастрычніка 1996

Дата затрымання: 30 снежня 2021

Прад'яўленыя абвінавачванні:

арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
арт. 130 Крымінальнага кодэкса — Распальванне варожасці ці варажнечы

Вынік суда: 5 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Царук Руслан

Пракурор: Канапелькіна Юлія

Заява аб прызнанні палітвязнем

У спісе «тэрарыстаў» (грашовыя пераводы забароненыя)

Яўген Алегавіч Клімаў з Петрыкава асуджаны да 5 гадоў пазбаўлення волі ў калоніі ўзмоцненага рэжыму. Яго прызналі вінаватымі ў кіраўніцтве экстрэмісцкім фарміраваннем — тэлеграм-каналам "Петрыкаў 97%" (ч. 1 арт. 361-1 Крымінальнага кодэкса). Акрамя гэтага, Яўгена прызналі вінаватым у распальванні сацыяльнай варожасці за рэпост паведамлення пра АМАП з тэлеграм-канала "Nexta" (арт. 130 КК).

Утрымліваўся ў СІЗА-3, месца адбывання пакарання ўдакладняецца.

У верасні 2022 г. КДБ уключыў палітвязня ў спіс асобаў, "датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Двух адміністратараў тэлеграм-канала "Петрыкаў 97%" асудзілі да трох і пяці гадоў калоніі

У Гомельскім абласным судзе 25 сакавіка разглядзелі крымінальныя справы супраць двух адміністратараў тэлеграм-канала "Петрыкаў 97%". 42-гадовага жыхара Петрыкава Віктара Бедрыя i 25-гадовага майстра з Петрыкава Яўгена Клiмава прызналі вінаватымі ў кіраўніцтве экстрэмісцкім фарміраваннем — тэлеграм-каналам "Петрыкаў 97%" (ч. 1 арт. 361-1 Крымінальнага кодэкса). Акрамя гэтага, Яўгена прызналі вінаватым у распальванні сацыяльнай варожасці за рэпост паведамлення пра АМАП з тэлеграм-канала "Nexta". Суддзя Руслан Царук асудзіў Віктара і Яўгена да трох і пяці гадоў калоніі ва ўмовах узмоцненага рэжыму адпаведна. У СІЗА да суда Клімаў утрымліваўся тры месяцы, а Бедрыя ўзялі пад варту ў зале суда. Дзяржабвінавачванне падтрымлівала пракурорка Юлія Канапелькіна.