Ягор Аляксандравіч Міхайлаў — мінчук, асуджаны на 10 гадоў узмоцненага рэжыму па справе аб падпале танка Т72 у ваенным эшалоне на чыгуначнай станцыі ў Сцяпянцы, кінуўшы ў яго "кактэйль Молатава" з надпісам  "ОГСБ" ноччу 31 студзеня. Па артыкуле "акт тэрарызму" (289 Крымінальнага кодэксу) Ягора 26 ліпеня 2021 года пакаралі 10 гадамі калоніі ва ўмовах узмоцненага рэжыму.

У канцы снежня 2021 стала вядома аб пераводзе Ягора з Турмы № 4 у ПК № 17.

У сакавіку 2022 КДБ Беларусі дадаў Ягора ў спіс асобаў, якія "маюць дачыненне да тэрарыстычнай дзейнасці". 28 кастрычніка 2022 г. МУС уключыў  палітзняволенага ў "Пералік асобаў, датычных да экстрэмісцкай дзейнасці".

У пачатку кастрычніка 2023 г. стала вядома, што Ягора перавялі ў СІЗА-1, у яго адбыўся яшчэ адзін суд 5 кастрычніка 2023 г. Суддзя Наталля Дзядкова. Палітвязню ставілі у віну арт. 342 ч. 1 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Вынік суда — Ягору дадалі 6 месяцаў зняволення. 

5 студзеня 2024 унесены МУС у "спіс экстрэмістаў".

Адбывае тэрмін у ПК № 17. 

Мінчука асудзілі да 10 гадоў калоніі за падпал танка, які Мінабароны назвала фэйкам

Сёння, 26 ліпеня 2021 года, у судзе Фрунзенскага раёна Мінска агучылі прысуд па крымінальнай справе па ч. 1 арт. 289 Крымінальнага кодэкса (акт тэрарызму) супраць 26-гадовага мінчука Ягора Міхайлава. Яго абвінавацілі ў падпале танка Т-72 на чыгуначнай станцыі ў Сцяпянцы шляхам кідка ў яго «кактэйля Молатава» з надпісам «ОГСБ» уначы 31 студзеня. 

Па справе за падпал танка, які, па версіі Мінабароны, не пацярпеў, мінчуку запрасілі 10 гадоў калоніі

З 8 ліпеня 2021 года ў судзе Фрунзенскага раёна Мінска разглядаецца крымінальная справа па ч. 1 арт. 289 Крымінальнага кодэкса (акт тэрарызму) супраць 26-гадовага мінчука Ягора Міхайлава.

Мінабароны назвала відэа з палаючым танкам у Сцяпянцы фэйкам, але цяпер за яго падпал як за акт тэрарызму судзяць мінчука

Справу разглядае суддзя Алена Бушава, дзяржабвінавачанне падтрымлівае памочнік пракурора Фрунзенскага раёна Дзмітрый Хаваўка.