"Масавых беспарадкаў не было, а арганізатар ёсць?" Пракурор патрабуе пакараць палітзняволенага члена ініцыятыўнай групы Бабарыкі 5,5 гадамі калоніі
Сяргей Капанец
Палітвязень
Дата нараджэння: 24 кастрычніка 1974
Дата затрымання: 11 жніўня 2020
Прад'яўленыя абвінавачванні:
- ч. 1 арт. 293 Крымінальнага кодэкса — Арганізацыя масавых беспарадкаў
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 5 гадоў і 6 месяцаў
Від пакарання: пазбаўленне волі ў турме ва ўмовах строгага рэжыму
Суддзя: Шабуня Вікторыя
Пракурор: Цвяткоў Арцём, Процкі Іван
Месца зняволення: Турма № 4
Справы: Пратэсты Мінск
Іншыя пазнакі: Турэмны рэжым
Заява аб прызнанні палітвязнем
Сімвалічны(ая) хросны(ая): Олаф ін дэр Бек, дэпутат нямецкага Бундэстагу; раней — Рудольф Хенке
Сяргей Васільевіч Капанец быў затрыманы ў межах справы аб масавых беспарадках, распачатай пасля падзей 9-13 жніўня 2020 г.
Пазней Сяргею Капанцу было прад’яўлена абвінавачванне па арт. 293 Крымінальнага кодэкса.
Спачатку ўтрымліваўся ў СІЗА КДБ, пасля пераведзены ў СІЗА-1.
У судзе Цэнтральнага раёна Мінска 18 траўня 2021 года вынеслі прысуд палітвязняволенаму члена ініцыятыўнай групы Віктара Бабарыкі. За падзеі 9-11 жніўня ў Мінску Капанца асудзілі па двух артыкулах Крымінальнага кодэкса: ч. 6 арт. 16 і ч. 1 арт. 293 і ч. 1 арт. 342. Сяргея абвінавацілі ў дапамаганні Сцяпану Пуцілу, Раману Пратасевічу і іншым асобам у арганізацыі масавых беспарадкаў шляхам перадачы ў бот тэлеграм-канала, прызнанага на дадзены момант экстрэмісцкім, тэкставай інфармацыі і відэа аб перамяшчэнні спецтэхнікі сілавікоў 9 жніўня, а таксама ў распаўсюдзе ўлётак, перададзеных яму Юрыем Васкрасенскім і каардынаванні руху людзей ад ГЦ «Спектр» да адміністрацыі Першамайскага раёна пасля закрыцця ўчасткаў для галасавання 9 жніўня. Таксама Капанца абвінавацілі ва ўдзеле ў акцыях пратэсту 10 і 11 жніўня на вуліцы Прытыцкага і праспекце Пушкіна ў Мінску. Сяргей віну не прызнаў. Палова судовага працэсу прайшла ў закрытым рэжыме праз вывучэнне матэрыялаў з экстрэмісцкага тэлеграм-канала. Суддзя Вікторыя Шабуня пакарала палітвязня пяццю з паловай гадамі калоніі ва ўмовах узмоцненага рэжыму.
Палітвязень адбывае пакаранне ў наваполацкай калоніі № 1, адміністрацыя якой на канец студзеня 2023 г. змяшчала Сяргея ў ШІЗА агулам на 150 сутак.
29 чэрвеня 2023 г. адбыўся суд па пераводзе палітвязня на турэмны рэжым да канца тэрміну.
9 ліпеня 2023 г. Сяргея этапавалі ў Турму № 4.
Сімвалічны "хросны" у межах кампаніі #WeStandByYou — дэпутат Бундэстага Германіі Рудольф Хенке:
“Я неадкладна патрабую вызвалення Сяргея Капанца і ўсіх іншых палітвязняў, якія апынуліся ў зняволенні ў сувязі з крытыкай прэзідэнцкіх выбараў і іх вынікаў. Сяргей Капанец, як і многія іншыя людзі, адстойваў сваё асноўнае права на свабоду слова і сходаў. Нікога нельга саджаць у турму без належнай працэдуры толькі за мірныя дэманстрацыі супраць рэжыму Лукашэнкі. Яго рэжым нелегітымны”.
Адрас для лістоў: Турма № 4. 212011, г. Магілёў, вул. Крупскай, 99А
