Сяргей Сяргеевіч Яфімаў — жыхар Гомеля, асуджаны 12 лістапада 2020 года на 3 гады калоніі паводле арт. 364 Крымінальнага кодэкса (гвалт у дачыненні да супрацоўніка міліцыі).

Згодна з абвінавачваннем, у Гомелі ўвечары 9 жніўня 2020 года ў раёне сквера Кірылы Тураўскага ён падбег да супрацоўніка АМАПа, распыліў пярцовы газ яму ў твар з газавага балончыка і ўдарыў яго ў галаву. На дапамогу міліцыянту падбеглі двое калег і спрабавалі затрымаць нападніка, той спрабаваў вырвацца, распыляў газ і нанёс аднаму з супрацоўнікаў "не менш за дзевяць удараў у вобласць галавы і тулава". Доказам у судзе з'явіліся паказанні пацярпелых міліцыянтаў, а таксама відэа, знятае камерамі відэаназірання на плошчы Леніна ў Гомелі.

На судзе Сяргей распавёў, што нападаць на міліцыянтаў у той вечар не збіраўся, але спалохаўся, што пачнуцца затрыманні, расхваляваўся, стаў уцякаць, а калі наткнуўся на амапаўцаў, дастаў балончык і распыліў.

Утрымліваўся ў жодзінскім следчым ізалятары.

15 чэрвеня 2023 г., напярэдадні выхаду з калоніі, у судзе Жодзіна разгледзелі справу Сяргея паводле арт. 411 (злоснае непадпарадкаванне патрабаванням адміністрацыі папраўчай установы). Суддзя Святлана Самусева прызначыла яму 1 год пазбаўлення волі. 

Яшчэ адзін суд паводле арт. 411 адбыўся над палітвязнем 16 траўня 2024 г. у судзе Барысаўскага раёна. Суддзя Людміла Зінкевіч пакарала Сяргея 1 годам пазбаўлення волі.

Палітвязню Сяргею Яфімаву дадалі яшчэ адзін год зняволення

У судзе Барысаўскага раёна 16 траўня Сяргею Яфімаву вынеслі прысуд па новай крымінальнай справе. Яго прызналі вінаватым паводле арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы) і прызначылі яму яшчэ адзін год зняволення ў дадатак да чатырох гадоў калоніі. Гэта ўжо другі суд над палітвязнем па гэтым артыкуле.

Тры гады калоніі агульнага рэжыму: у Гомелі асудзілі Сяргея Яфімава

У Гомелі за гвалт у дачыненні да міліцыянтаў (арт. 364 КК) на тры гады калоніі агульнага рэжыму асудзілі 29-гадовага гамельчука Сяргея Яфімава, паведамляе TUT. BY.

Заключэнне экспертаў і юрыстаў ПЦ «Вясна» па крымінальнай справе Сяргея Яфімава па арт. 364 КК

У Гомелі за гвалт у дачыненні да міліцыянтаў па артыкуле 364 Крымінальнага кодэкса на тры гады калоніі агульнага рэжыму асудзілі 29-гадовага гамельчука Сяргея Яфімава. Юрысты і эксперты ПЦ "Вясна" прааналізаваць справу Яфімава і прыйшлі да наступных высноў.