Яўген Аляксандравіч Ціханаў скончыў Акадэмію МУС больш за 15 гадоў таму, працаваў участковым, але звольніўся па ўласным жаданні. Пазней Яўген перайшоў у ІТ. Пасля нейкі час пажыў у Еўропе, у Італіі. Яго затрымалі пры спробе ўезду ў Беларусь: мужчына хацеў прыехаць на дзень нараджэння маці і аформіць даверанасць. Супраць Яўгена Ціханава, як паведамляецца, заведзена крымінальная справа за каментары ў тэлеграме аб сілавіках і Лукашэнку па трох артыкулах: арт. 368 (абраза Лукашэнкі), арт. 369 (абраза прадстаўніка ўлады), арт. 130 (распальванне сацыяльнай варожасці ці варажнечы), арт. 361-1 ч. 3 (стварэнне экстрэмісцкага фармавання або ўдзел у ім) Крымінальнага кодэксу.

12 красавіка 2024 г. адбыўся разгляд яго справы ў Мінскім гарадскім судзе. Суддзя Анжэла Касцюкевіч. 

Утрымліваўся ў СІЗА № 1. 

28 чэрвеня 2024 г. адбыўся разгляд апеляцыйнай скаргі. Старшыня судовай калегіі Юрый Руткоўскі.

13 ліпеня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.