Сяргей Гоўша
Палітвязень
Дата нараджэння: 1 жніўня 1981
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
- арт. 365 Крымінальнага кодэкса — Умяшанне ў дзейнасць супрацоўніка ўнутраных спраў
Вынік суда: 2 гады
Від пакарання: пазбаўленне волі ў калоніі ва ўмовах агульнага рэжыму
Суддзя: Грыгаровіч Мікалай, Кавалевіч Дзмітрый
Сяргей Аляксандравіч Гоўша быў асуджаны на два гады калоніі (канчаткова, з улікам нейкай папярэдняй судзімасці, тры гады калоніі). 8 снежня 2022 г. ён быў асуджаны па арт. 365 КК (Умяшанне ў дзейнасць супрацоўніка органаў унутраных спраў). Справу тады разглядаў у судзе Бярозаўскага раёна суддзя Грыгаровіч Мікалай.
У судзе Бярозаўскага раёна 28 жніўня 2024 году паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак) вынеслі прысуд. Як піша "Берасцейская Вясна", за ўдзел у акцыі пратэсту ў ноч з 10 на 11 жніўня 2020 года ў Бярозе Сяргею Скробату, Аляксандру Малькову, Ігару Шыманчыку і Сяргею Гоўшу прызначылі ад аднаго да двух гадоў калоніі. Такі прысуд вынес Дзмітрый Кавалевіч.
18 кастрычніка 2024 г. адбыўся разгляд апеляцыйнай скаргі ў Брэсцкім абласным судзе. Старшыня судовай калегіі Дзмітрый Куроўскі.
1 лістапада 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Чатырох чалавек асудзілі да калоніі за ўдзел у пратэстах у Бярозе ў 2020-м годзе
