Сямён Віктаравіч Акула — уладальнік сервіснага цэнтра па рамонту камп’ютарнай тэхнікі. Яго абвінавацілі ва ўдзеле ў лістападаўскай акцыі пратэсту ў 2020 годзе і ў тым, што ён нібыта выплочваў сваім падначаленым заробак "у капэртах". Гэтыя дзеянні кваліфікаваныя паводле ч. 2 арт. 216 Крымінальнага кодэкса (прычыненне маёмаснай шкоды без прыкмет крадзяжу) і паводле ч. 1 арт. 342 КК. Быў змешчаны ў СІЗА-1

Вядома, што мужчыну затрымлівалі 9 верасня 2021 года ў мінскім офісе па рамонту камп’ютарнай тэхнікі на вуліцы Багдановіча. Сілавікі тады вынялі ўсю тэхніку. Па папярэдняй інфармацыі, мужчына мог знаходзіцца пад вартай паўтары года. 43-годдзе Сямён адзначыў 16 лютага на судовым працэсе.

Суд пачаўся ў пачатку лютага, усяго прайшло дзесяць пасяджэнняў. Суддзя Кастрычніцкага раёна горада Мінска Алена Жывіца 23 лютага 2023 года асудзіла мужчыну да двух гадоў і шасці месяцаў калоніі, як і прасіла дзяржаўнае абвінавачванне.

Адбываў пакаранне ў ПК № 3. 

Па падліках, мусіў выйсці на волю ў лютым 2024 г. 

Уладальніка цэнтра па рамонту кампутарнай тэхнікі асудзілі да 2,5 года калоніі

Суд Кастрычніцкага раёна Мінска 23 лютага асудзіў да двух з паловай года 43-гадовага ўладальніка сервіснага цэнтра па рамонту кампутарнай тэхнікі Сямёна Акулу. Яго абвінавацілі ва ўдзеле ў лістападаўскай акцыі пратэсту ў 2020 годзе і ў тым, што ён нібыта выплочваў сваім падначаленым заробак "у капертах". Прысуд вынесла суддзя Алена Жывіца. Вядома, што менавіта такое пакаранне і прасіў пракурор.