Мікалай Уладзіміравіч Васілевіч — мінчук. Знаходзіцца ў СІЗА на Валадарскага за «фінансаванне тэрарыстычнай дзейнасці». Як паведамляе «Наша Ніва», у «тэрарыстычны спіс» жыхара Мінска Мікалая Васілевіча ўключылі 3 студзеня 2023 г.

Апошняе вядомае месца працы мужчыны — Рэспубліканскі цэнтр алімпійскай падрыхтоўкі па зімовым відам спорту "Раўбічы" ў якасці трэнера-масажыста нацыяльнай каманды Рэспублікі Беларусь па біятлоне. Вядома, што ў яго ёсць жонка. Яго вінавацяць у «фінансаванні тэрарыстычнай дзейнасці» (арт. 290-1 КК), па гэтым артыкуле пагражае ад 8 да 12 гадоў зняволення.

Пазней стала вядома, што ён абвінавачваецца паводле ч. 1 і ч. 2 арт. 361-2 КК (Фінансаванне экстрэмісцкай дзейнасці).

Мужчына ўтрымліваецца ў СІЗА-1 на вуліцы Валадарскага.

6 чэрвеня 2023 г. быў асуджаны паводле арт. 361-2 КК і арт. 361-1 КК на 6 гадоў калоніі ўзмоцненага рэжыму і вялікі штраф. У сярэдзіне кастрычніка прапагандысцкія СМІ распавялі, што агулам за два гады ён зрабіў не менш за 54 данаты ў фонды салідарнасці і розныя ініцыятывы. Іншыя падрабязнасці справы невядомыя.

12 ліпеня 2023 г. у судзе Першамайскага раёна Мінска распачнецца другі суд над палітвязнем. Цяпер яго абвінавачваюць у "фінансаванні тэрарыстычнай дзейнасці" паводле ч. 2 арт. 290-1 КК. Справу будзе разглядаць суддзя Святлана Чараповіч.

1 верасня 2023 г. у Вярхоўным судзе суддзя Уладзімір Чаравач павінен быў разглядаць апеляцыйную скаргу палітвязня. На гэты момант першы прысуд набыў моц, таму ў час вынясення другога Васілевіч лічыўся ўжо раней судзімым.

12 верасня 2023 г. у судзе Першамайскага раёна адбыўся яшчэ адзін суд над Мікалаем. На гэты раз яго абвінавацілі ў "стварэнні экстрэмісцкага фармавання альбо ўдзеле ў ім" (арт. 361-1 КК).  Агулам за данаты Святлана Чараповіч прысудзіла яму 9 гадоў і 6 месяцаў у калоніі ўзмоцненага рэжыму, а таксама штраф у 600 базавых велічыняў.

22 верасня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У кастрычніку 2023 г. пераведзены з СІЗА-1 у турму № 4. Адбывае тэрмін у ПК № 15. 

Мінчука за тры месяцы двойчы асудзілі за данаты. Агулам яму прызначылі 9,5 гадоў калоніі

У судзе Першамайскага раёна Мінска 12 верасня другі раз за тры месяцы па цяжкім артыкуле асудзілі палітзняволенага мінчука Мікалая Васілевіча.

За фінансаванне "экстрэмісцкай дзейнасці" мінчуку прысудзілі шэсць год калоніі

Мікалай Васілевіч да затрымання 17 кастрычніка 2022 года працаваў у Рэспубліканскім цэнтры алімпійскай падрыхтоўкі па лёгкай атлетыцы.