Рыгор Уладзіміравіч Гунько — фігурант "пінскай справы", узбуджанай пасля падзей 10 жніўня ў горадзе — акцыі пратэсту і супрацьстаяння пінчукоў і сілавікоў.

Гунько быў затрыманы ноччу 10 жніўня 2020 года і змешчаны пад варту. Яму было прад'яўлена абвінавачванне па ч. 2 арт. 293 КК РБ (Удзел у масавых беспарадках).

Суд Маскоўскага раёна Брэста 30 красавіка 2021 года вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Рыгора Гунько асудзілі да 6 гадоў калоніі ўзмоцненага рэжыму.

12 лютага 2024 у Віцебскім раённым судзе прызначаны разгляд аб "пераводзе ў папраўчую ўстанову іншага віду і змене ўмоў рэжыму". Суддзя Міхаіл Зубеня.

14 палітвязняў "пінскай справы" пазбавілі волі на тэрміны ад 5,5 да 6,5 гадоў

Пацярпелымі па справе выступілі 109 супрацоўнікаў міліцыі і чыноўнікаў, якія ў агульнай суме патрабуюць ад палітзняволеных каля 530 тысяч рублёў кампенсацыі. Свае маральныя пакуты пінскія міліцыянты абгрунтавалі тым, што яны «адчувалі страх, прыніжэнне, боль і сорам, праз перажытыя падзеі яны страцілі сон, спакой і апетыт, адчувалі і адчуваюць трывогу».