Ірына Міхайлаўна Абдукерына — былая настаўніца з Хойнікаў, якую затрымалі раніцай 5 красавіка 2022 г. на лецішчы. Падставай для затрымання стала нібыта тое, што Абдукерына запісала на тэлефон перамяшчэнне калоны расейскай вайсковай тэхнікі і пераслала запіс у тэлеграм-канал "Беларускі Гаюн". Пра гэта гаворыцца ў "пакаяльным відэа" з ёй.

Прычым у гэтым жа відэа было пазначана, што Ірыну звольнілі з навучальнай установы ў 2020 годзе, хоць яна сышла адтуль паводле свайго жадання яшчэ ў 2016-м.

Жанчыне прад'явілі абвінавачванне паводле наступных артыкулаў Крымінальнага кодэкса: ч. 1 арт. 130 (распальванне варожасці і варажнечы), 361-1 (удзел у экстрэмісцкім фарміраванні), 361-2 (фінансаванне экстрэмісцкай дзейнасці), 369-1 (дыскрэдытацыя Беларусі).

З 28 лістапада 2022 г. у Гомельскім абласным судзе разглядалі справу палітзняволенай. 6 снежня суддзя Руслан Царук прызнаў Ірыну вінаватай і пакараў пазбаўленнем волі ў калоніі агульнага рэжыму тэрмінам на чатыры гады. Таксама ёй прызначаны штраф у памеры 100 базавых велічыняў (3 200 рублёў).

24 лютага 2023 г. МУС уключыла палітзняволеную ў "спіс экстрэмістаў".

У пачатку сакавіка стала вядома, што Ірыну перавялі з СІЗА-3 у гомельскую ПК № 4.

У Гомелі вынеслі прысуд былой настаўніцы, якая здымала калону расійскай вайсковай тэхнікі

Таксама палітзняволенай прызначаны штраф у памеры 100 базавых велічынь (3200 рублёў).

Што вядома пра затрыманых на Гомельшчыне за фота і відэа расійскай вайсковай тэхнікі

Былая настаўніца з Хойнікаў скінула відэа "Беларускаму Гаюну".