Таццяна Мікалаеўна Карповіч — жыхарка Віцебска, паводле адукацыі праграмістка. Затрыманая 17 лістапада 2021 года.

Жанчыне выставілі абвінавачванне паводле ч. 3 арт. 130 КК (Распальванне сацыяльнай варожасці) і арт. 203-1 КК (Незаконныя дзеянні ў дачыненні да інфармацыі пра прыватнае жыццё) за перадачу дадзеных сілавікоў, настаўнікаў, суддзяў у тэлеграм-канал "Чорная кніга Беларусі". Пасля другі артыкул прыбралі з абвінавачвання.

Таццяну змясцілі ў СІЗА-1. Напрыканцы кастрычніка 2022 г. яе перавялі ў віцебскі СІЗА-2, а пасля — у магілёўскую Турму № 4.

У Магілёўскім абласным судзе ў закрытым рэжыме 23 снежня 2022 г. вынеслі прысуд. Суддзя Павел Клімаў прызначыў палітзняволенай пяць гадоў пазбаўлення волі ў калоніі ва ўмовах агульнага рэжыма і штраф 250 базавых велічыняў.

31 студзеня 2023 г. КДБ дадаў палітзняволеную ў спіс "асоб, якія маюць дачыненне да тэрарыстычнай дзейнасці".

Была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

На пачатку лютага 2023 г. Таццяну этапавалі ў гомельскую жаночую калонію № 4.

25-гадовую палітзняволеную асудзілі на пяць гадоў калоніі за перадачу дадзеных у "Чорную кнігу Беларусі"

Дзяржабвінавачанне прадстаўляла пракурорка Таццяна Касцюшка. Яна запрасіла для палітзняволенай 6 гадоў пазбаўлення волі. Але суддзя ў выніку прызначыла жанчыне 5 гадоў калоніі.