Руслан Ігаравіч Слуцкі — жыхар Полацка.

Асуджаны 20 студзеня 2022 года паводле ч. 1 арт. 14 і ч. 1 арт. 309 КК за замах на прывядзенне ў непрыдатнасць чыгуначных шляхоў зносін — спробу злучыць металічным дротам рэйкі, што магло прывесці да затрымкі руху цягнікоў, а таксама паводле ч. 1 арт. 289 КК за "акт тэрарызму" — падкідванне на аўтамабільную дарогу самаробных металічных шыпоў перад аўтамабілямі, якія ўдзельнічаюць у праўладным аўтапрабегу, у выніку якога былі пашкоджаныя шыны чатырох аўтамабіляў, да 11 гадоў пазбаўлення волі.

На пачатку траўня 2022 г. быў пераведзены з СІЗА-2 у магілёўскую ПК № 15.

МУС уключыў палітвязня ў пералік "асобаў, якія маюць дачыненне да экстрэмісцкай дзейнасці".

Таксама 25 траўня 2022 г. КДБ унёс Руслана ў спіс "асобаў, якія датычныя да тэрарыстычнай дзейнасці".

Вядома, што ў лістападзе 2022 г. Руслан захварэў на пнеўманію і быў шпіталізаваны.

У Руслана добраякасная пухліна галаўнога мозгу, а таксама моцныя болі ў спіне, праз якія ён часам не мог устаць з ложку, аднак у шпіталізацыі яму да выпадку з пнеўманіяй адмаўлялі. 

Суровы прысуд жыхару Полацка Руслану Слуцкаму — адзінаццаць гадоў калоніі ўзмоцненага рэжыму

Суд Полацкага раёна 20 студзеня вынес жорсткі прысуд Руслану Слуцкаму, якога абвінавацілі ў замаху на прывядзенне ў непрыдатнасць чыгуначных шляхоў злучэння (ч. 1 арт. 14, ч. 1 арт. 309 КК), а таксама акце тэрарызму (ч. 1 арт. 289 КК).

Полацк: у судзе па "акце тэрарызму" ў дачыненні да ўдзельнікаў аўтапрабегу "За адзіную Беларусь" — больш за 70 пацярпелых

У судзе Полацкага раёна 14 снежня працягваецца разгляд крымінальнай справы па абвінавачванні Руслана Слуцкага ў замаху на прывядзенне ў непрыдатнасць чыгуначных шляхоў зносін (ч. 1 арт. 14, ч. 1 арт. 309 КК), а таксама акце тэрарызму (ч. 1 арт. 289 КК). Раней віцебская міліцыя паведамляла о пра затрыманне мужчыны, падазраванага ў здзяйсненні хуліганства.