Вадзім Аляксандравіч Цагельнік — былы паштар. Яго абвінавацілі адразу па двух артыкулах Крымінальнага кодэкса: абраза прадстаўніка ўлады (арт. 369 КК) і арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх (арт. 342 КК).

Згодна з абвінавачваннем, Вадзім Цагельнік з выкарыстаннем сеткі Інтэрнэт, прадпрымаючы пры гэтым канспіратыўныя меры, ажыццяўляў дэструктыўную дзейнасць, накіраваную на дэстабілізацыю абстаноўкі ў грамадстве: заклікаў да масавых беспарадкаў, якія пацягнулі парушэнне працы грамадскага транспарту.

2 лістапада 2021 года суддзя Лідзія Целіца вынесла прысуд згодна з прапановай абвінавачвання: пазбаўленне волі ў калоніі агульнага рэжыму тэрмінам на тры гады. Вадзіма ўзялі пад варту ў зале суда.

Адбывае пакаранне ў ПК № 2.

У судзе Бабруйскага раёна 2 лютага 2024 г. Вадзіма пачалі судзіць за "злоснае непадпарадкаванне патрабаванням адміністрацыі калоніі".

25 красавіка 2024 г. у Вадзіма адбыўся разгляд апеляцыйнай скаргі. Старшыня судовай калегіі Ігар Шведаў. 

Вынесены прысуд паштальёну Вадзіму Цагельніку: тры гады пазбаўлення волі за каардынацыю дваровых пратэстаў

Суд Маскоўскага раёна Мінска 2 лістапада вынес прысуд па крымінальнай справе ў дачыненні да былога паштальёна Вадзіма Цагельніка. Ён абвінавачаны адразу па двух артыкулах Крымінальнага кодэкса: абраза прадстаўніка ўлады (арт. 369 КК) і арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх (арт. 342 КК).