Руслан Парфёнаў

сябра ініцыятыўнай групы Святланы Ціханоўскай

Дата нараджэння: 19 лютага 1980

Дата затрымання: 19 жніўня 2020

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 5 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Стрэльчанка Анатоль

Месца зняволення: ПК № 1

Сімвалічны/ая хросны/ая: Сабіна Верхеен, дэпутатка Еўрапарламента

У спісе «тэрарыстаў» (грашовыя пераводы забароненыя)

Руслан Уладзіміравіч Парфёнаў — сябра ініцыятыўнай групы Святланы Ціханоўскай з Мазыра.

19 жніўня 2020 г., праз суткі пасля таго, як Руслан выйшаў з 10-суткавага арышту за ўдзел у несанкцыянаваным масавым мерапрыемстве, ён быў затрыманы зноў у межах крымінальнай справы аб “Масавых беспарадках”. З Мазыра мужчыну перавезлі ў Мінск.

Варта адзначыць, што падчас першага яго арышту Па БТ і АНТ пра яго паказвалі сюжэты, што ён нібыта рабіў "вожыкаў", каб спыняць тэхніку міліцыі. Але ў кадры паказалі не Руслана, а зусім іншага мужчыну.

Утрымліваўся СІЗА-1 Мінска. Перад судом, прызначаным на 19 студзеня 2021 г., быў этапаваны ў СІЗА Гомеля.

Справа Парфёнава разглядалася ў закрытым судовым працэсе. У судзе Мазырскага раёна 3 сакавіка 2021 г. быў вынесены прысуд: 5 гадоў калоніі ўзмоцненага рэжыму.

28 чэрвеня 2022 г. КДБ унёс Руслана ў спіс асобаў, "датычных да тэрарыстычнай дзейнасці".

Прысуд па справе сябры ініцыятыўнай групы Ціханоўскай з Мазыра: 5 год калоніі ўзмоцненага рэжыму

У судзе Мазырскага раёна 3 сакавіка вынесены прысуд па крымінальнай справе палітзняволенага Руслана Парфёнава. Яму прад’яўленае абвінавачванне па ч. 2 арт. 293 (Удзел у масавых беспарадках).

«Калі маленькі ўчынак маленькага чалавека аказаўся часткай світання, часткай вясны». Апошняе слова Руслана Парфёнава на закрытым судзе

У распараджэнні Палескай вясны аказаўся тэкст апошняга слова, якое палітзняволены, былы сябра ініцыятыўнай групы Святланы Ціханоўскай, які збіраў подпісы за яе вылучэнне кандыдаткай на прэзідэнта ў Мазыры, Калінкавічах, Хойніках, Лельчыцах, Нароўлі і Жыткавічах, прамаўляў на судзе.

Адрас для лістоў: ПК № 1. 211440, г. Наваполацк, вул. Тэхнічная, 8

Палітвязні знаходзяцца па адрасах: