Роберт Кузняцоў
Палітвязень
Дата нараджэння: 26 кастрычніка 1983
Дата затрымання: 10 жніўня 2022
Прад'яўленыя абвінавачванні:
- арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
- арт. 370 Крымінальнага кодэкса — Здзек з дзяржаўных сімвалаў
- арт. 368 Крымінальнага кодэкса — Абраза прэзідэнта Рэспублікі Беларусь
- арт. 130 Крымінальнага кодэкса — Распальванне варожасці ці варажнечы
Вынік суда: 5 гадоў
Від пакарання: пазбаўленне волі ў калоніі ва ўмовах узмоцненага рэжыму
Суддзя: Бондал Галіна
Заява аб прызнанні палітвязнем
Роберта Яўгенавіча Кузняцова абвінавацілі паводле некалькіх артыкулаў Крымінальнага кодэкса:
- ч. 1 арт. 368 – абраза прэзідэнта Рэспублікі Беларусь;
- ч.1 арт. 130 – распальванне расавай, нацыянальнай, рэлігійнай альбо іншай сацыяльнай варожасці або варажнечы;
- ч. 3 арт. 361 – заклікі да мер абмежавальнага характару (санкцый), іншым дзеянням, накіраваным на прычыненне шкоды нацыянальнай бяспецы Рэспублікі Беларусь;
- арт. 370 – здзек з дзяржаўных сімвалаў.
Справу разглядала суддзя Галіна Бондал. З улікам прадстаўленых дзяржаўным абвінаваўцам доказаў 10 жніўня 2022 г. Віцебскі абласны суд прызнаў жыхара Браслаўскага раёна вінаватым у здзяйсненні вышэйзгаданых дзеянняў і па сукупнасці злачынстваў яму прызначана пакаранне ў выглядзе пяці гадоў пазбаўлення волі з адбываннем у папраўчай калоніі ўзмоцненага рэжыму.
У сярэдзіне верасня 2022 г. КДБ уключыў палітвязня ў спіс асобаў, "датычных да тэрарыстычнай дзейнасці".
Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Роберта этапавалі з СІЗА-2 у івацэвіцкую ПК № 22 напрыканцы кастрычніка 2022 г.
У снежні 2023 г. пераведзены ў іншую калонію, актуальны адрас невядомы.
Пяць гадоў пазбаўлення волі прысудзілі жыхару Браслаўскага раёна па чатырох артыкулах Крымінальнага кодэкса
