Яўген Аляксандравіч Глушкоў — магілёўскі журналіст і відэааператар. У 90-я і 2000-я Яўген працаваў на гарадскім тэлебачанні, пасля гэтага супрацоўнічаў з некалькімі гарадскімі парталамі.

Глушкова затрымалі 4 ці 5 студзеня 2024 году пры дапамозе штурму, паколькі мужчына не адчыніў дзверы сілавікам. Яго выцягнулі на вуліцу ў тым адзенні, у якім ён знаходзіўся дома.

Быў заключаны пад варту паводле артыкулу 361-1 Крымінальнага кодэкса (Стварэнне ці ўдзел у экстрэмісцкім фармаванні).

Яўгену інкрымінуюць "удзел грамадзяніна Рэспублікі Беларусь у баявых дзеяннях на тэрыторыі замежнай дзяржавы без упаўнаважання дзяржавай" (ч. 1 арт. 361-3 КК), "стварэнне экстрэмісцкага фармавання" (ч. 1 арт. 361-1 КК) і "ўдзел у экстрэмісцкім фармаванні" (ч. 3 арт. 361-1 КК).

Разгляд справы пачаўся 12 ліпеня 2024 г. у Магілёўскім абласным судзе. Працэс вёў суддзя Дзмітрый Крэнжыеўскі, які прызначыў Яўгену 3 гады калоніі агульнага рэжыма, а таксама штраф у 200 базавых.  

27 верасня 2024 г. у Яўгена ў Вярхоўным судзе адбыўся разгляд апеляцыйнай скаргі. Старшыня судовай калегіі Максім Філатаў. 

11 кастрычніка 2024 г. МУС дадала Яўгена ў "спіс экстрэмістаў". У звестках са спісу не пазначаны ч. 3 арт. 361-1 КК, але ў праваабаронцаў няма звестак пра тое, што з палітвязня знялі абвінавачванне паводле гэтага артыкула.

Палітзняволеных журналістаў з Магілёва асудзілі да калоніі

У Магілёўскім абласным судзе 31 ліпеня вынеслі прысуд былым журналістам Алесю Сабалеўскаму і Яўгену Глушкову паводле двух артыкулаў Крымінальнага кодэкса: ч. 1 і ч. 3 арт. 361-1 (стварэнне экстрэмісцкага фармавання або ўдзел у ім), ч. 1 арт. 361-3 (удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы).