Павел Тадэвушавіч Бяленік быў затрыманы ў Гродне ў межах крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Павел праходзіць па крымінальнай справе паводле артыкулаў 369 КК (Абраза прадстаўніка ўлады) і 130 КК (Распальванне сацыяльнай варожасці).

У кастрычніку 2022 г. яго перавялі з СІЗА-1 у Турму № 1 у Гродне.

21 кастрычніка 2022 года ў судзе Гродзенскага раёна Дзмітрый Грышын разглядзеў справу палітвязня паводле ч. 3 арт. 343-1 КК (выраб і распаўсюджванне парнаграфічных матэрыялаў або прадметаў парнаграфічнага характару з выявай непаўналетняга, здзейсненыя арганізаванай групай), ч. 3 арт. 167 КК (Гвалтоўныя дзеянні сексуальнага характару), ч. 2 арт. 169 КК (Распусныя дзеянні). Прычына перакваліфікацыі і вынік суда невядомы.

Адбывае пакаранне ў ПК № 15.