Міхаіл Аляксандравіч Лабань — гаспадар ювелірнай майстэрні «Самародак», займаўся вырабам упрыгожанняў для ўдзельнікаў рэканструктарскіх суполак, вывучаў гісторыю Сярэднявечча. Жанаты, сям’я выхоўвае дваіх дзяцей. Яго абвінавацілі ў паклёпе ў дачыненні да Лукашэнкі (ч. 1 арт. 367), абразе Лукашэнкі (ч. 1 арт. 368) і абразе прадстаўніка ўлады (арт. 369 Крымінальнага кодэкса).

Суддзя Віталь Лапко прызнаў яго вінаватым і па сукупнасці пакаранняў канчаткова асудзіў да 4 гадоў пазбаўлення волі ў калоніі агульнага рэжыму і штрафу ў памеры 100 базавых велічынь.

У канцы жніўня 2022 г. стала вядома, што Міхаіл быў этапаваны з СІЗА-2 у бабруйскую калонію № 2.

Па стане на вясну 2024 г. адбывае пакаранне ў ПК № 22.

На 13 траўня 2024 г. у Міхаіла прызначаны новы суд " аб пераводзе ў папраўчую ўстанову іншага віда і зменаў умоваў рэжыма". Яго справу разгледзіць Сяргей Кухацкаволец у судзе Івацэвіцкага раёна. 

Гаспадара ювелірнай майстэрні «Самародак» з Наваполацка асудзілі да 4 год калоніі за абразу і паклёп на прэзідэнта

На закрытым пасяджэнні суда Наваполацка 20 траўня вынесены прысуд Міхаілу Лабаню. Яго абвінавацілі ў паклёпе ў дачыненні да прэзідэнта Аляксандра Лукашэнкі (ч.1 арт. 367), абразе прэзідэнта (ч.1 арт. 368) і абразе прадстаўніка ўлады (арт. 369 Крымінальнага кодэкса).