Мікалай Мікалаевіч Машарскі жыхар Расонаў. Яго неаднаразова судзілі за “несанкцыянаваны пікет", а ў сакавіку 2022 года мужчыну арыштавалі на 20 сутак за заклікі да ўдзелу ў акцыі пратэсту 27 лютага. Яго затрымлівалі дома пяцёра сілавікоў у бронікамізэльках.

Мужчыну абвінавачваюць у абразе Лукашэнкі (ч. 1 арт. 368 КК) і неаднаразовым парушэнні парадку арганізацыі ці правядзення масавых мерапрыемстваў (арт. 342-2 КК). Варта адзначыць, што па апошнім артыкуле судзілі толькі трох чалавек.

Па інфармацыі праваабаронцаў, Машарскага з 2020 года неаднаразова адпраўлялі на "суткі" за "ўдзел у несакцыянаваных масавых мерапрыемствах або пікетаванні" і "распаўсюд экстрэмісцкіх матэрыялаў" (арт. 19.11 КаАП). У студзені 2023 года Машарскага асудзілі на 25 сутак арышту за "пікет", а ў сакавіку 2022 года мужчыну арыштавалі на 20 сутак за заклікі да ўдзелу ў антываеннай акцыі пратэсту 27 лютага 2022 г.

У судзе Полацка і Полацкага раёна 28 жніўня 2023 г. распачаўся суд над палітзняволеным. Справу палітвязня разглядае суддзя Уладзімір Бясецкі.

15 снежня 2023 г. дададзены МУС у "спіс экстрэмістаў".

Утрымліваўся ў СІЗА № 2, актуальны адрас высвятляецца. 

У Полацку Мікалая Машарскага судзяць за "неаднаразовае парушэнне парадку правядзення масавых мерапрыемстваў"

У зняволенні Мікалая ўтрымліваюць два з паловай месяцы. На волі яго чакаюць жонка і двое непаўнагадовых дзяцей.