Анатоль Міхайлавіч Міхайлаў абвінавачваўся ў стварэнні экстрэмісцкага фарміравання (ч. 3 арт. 361-3), распальванні расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт. 130), абразе прэзідэнта (ч. 1 арт. 368) і абразе прадстаўнікоў улады (арт. 369 Крымінальнага кодэкса). Быў змешчаны ў СІЗА-2.

Працэс, які распачаўся 1 верасня 2022 г., вяла старшыня судовай калегіі Галіна Бондал.

Судовая калегія па крымінальных справах Віцебскага абласнога суда прызнала Міхайлава вінаватым і па сукупнасці злачынстваў прызначыла яму канчатковае пакаранне ў выглядзе пазбаўлення волі на тэрмін чатыры гады з адбываннем у папраўчай калоніі ва ўмовах агульнага рэжыму са штрафам у памеры 3,2 тысячы рублёў.

23 снежня 2022 г. КДБ уключыў палітвязня ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбывае тэрмін у папраўчай калоніі № 15.

За рэгістрацыю ў “Плане "Перамога" і жаданне ваяваць ва Украіне – чатыры гады калоніі і штраф

Судовая калегія Віцебскага абласнога суда 6 верасня завяршыла разгляд крымінальнай справы Анатоля Міхайлава. 28-гадовы жыхар абласнога цэнтра абвінавачваўся ў стварэнні экстрэмісцкага фарміравання (ч. 3 арт. 361-3), распальванні расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт. 130), абразе прэзідэнта (ч.1 арт. 368) і абразе прадстаўнікоў улады (арт. 369 Крымінальнага кодэкса).