Мікалай Васільевіч Банькоў — былы выкладчык кафедры сувязі БДУІР. Гэтая кафедра прызначана для падрыхтоўкі кадравых афіцэраў для Узброеных Сіл і іншых сілавых структур і ведамстваў Рэспублікі Беларусь. 

Ён быў затрыманы 18 студзеня 2023 года за данаты. Спачатку яму прызначылі арышт паводле адміністрацыйнага пратакола, а потым перазатрымалі ў межах крымінальнай справы.

Мікалаю прад'явілі абвінавачванне па арт. 361-2 Крымінальнага кодэксу (Фінансаванне экстрэмісцкай дзейнасці) і ўзялі пад варту СІЗА-1.

28 ліпеня 2023 г. у Мінскім гарадскім судзе Мікалая асудзілі на 4 гады пазбаўлення волі ў калоніі агульнага рэжыму. Суддзя Святлана Бандарэнка.

17 кастрычніка 2023 г. разглядалася апеляцыйная скарга Мікалая ў Вярхоўным судзе. Судовая калегія пад старшынствам суддзі Аляксея Рыбакова пакінула прысуд Мікалаю ў сіле, а скаргу — без задавальнення.

28 кастрычніка 2023 г. пераведзены ў СІЗА-2, 3 лістапада Мікалая адправілі ў ПК-1. Два тыдні палітвязень быў на каранціне, пасля яго перавялі ў атрад № 3. Мікалаю прызначылі працу па ачыстцы кабеляў. Вядома, што яму здолелі перадаць рэчы. 

16 лістапада 2023 г. пераведзены ў атрад. Ад 28 лістапада 2023 г. палітвязень змешчаны ў ШІЗА, нагода невядомая. У снежні яго паўторна змяшчалі. Вядома, што Мікалая бесперапынна з Новага года і па стане на канец красавіка ўтрымліваюць у ШІЗА.

3 лістапада 2023 г. унесены МУС у "спіс экстрэмістаў".

З моманту этапу ў калонію Міхаіл адбыў 180 сутак у ШІЗА, па стане на пачатак ліпеня 2024 г. знаходзіцца ў атрадзе.

Па стане на восень 2024 г. вядома, што Мікалай зноў пазбаўлены тэлефанаванняў і спатканняў. 

З 27 верасня 2024 г. Мікалай зноў змешчаны ў ШІЗА, яму другі раз прызначылі 15 сутак. Па стане на сярэдзіну лістапада палітвязень усё яшчэ ўтрымліваецца ў штрафным ізалятары. 

Былога выкладчыка БДУІР Мікалая Банькова асудзілі да 4 гадоў калоніі за данаты ў 2020 годзе

У Мінскім гарадскім судзе 28 ліпеня 2023 года агучылі прысуд 52-гадоваму Мікалаю Банькову — чатыры гады пазбаўлення волі ва ўмовах агульнага рэжыму.