Марына Леановіч
Палітзняволеная
Дата затрымання: 9 кастрычніка 2023
Прад'яўленыя абвінавачванні:
- арт. 361-2 Крымінальнага кодэкса — Фінансаванне дзейнасці экстрэмісцкага фармавання
- арт. 361-3 Крымінальнага кодэкса — Удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы
Суддзя: Шылько Алена
Месца зняволення: СІЗА-1
Групы: IT-спецыялісты
Іншыя пазнакі: Вайна ва Украіне
Марына Уладзіміраўна Леановіч — беларускамоўная IT-спецыялістка з EPAM. Яна была затрыманая пасля вяртання ў Беларусь з Грузіі.
Жанчына займаецца творчасцю. Напрыклад, піша артыкулы для беларускай Вікіпедыі, робіць ілюстрацыі ды перакладае на беларускую мову, а яшчэ піша вершы. Усе сацсеткі дзяўчына вядзе па беларуску, але пад псеўданімамі, піша «Наша Ніва».
Пасля пачатку вайны Марына паехала жыць у Грузію і асела ў Тбілісі. Пра затрыманне Марыны напісалі ў твітары ў кастрычніку 2023 года. Невядома, чаму дзяўчына вярнулася ў Беларусь.
Суд над Марынай пачаўся 11 кастрычніка ў Мінгарсудзе. Яе вінавацяць па двух артыкулах — «фінансаванне экстрэмісцкай дзейнасці» (ч. 1 і ч. 2 арт. 361-2 КК) і «фінансаванне або іншая фінансавая падтрымка вайны» (ч. 2 арт. 361-3 КК). Дзяўчыне пагражае ад пяці да дзесяці гадоў калоніі.
Судзіць яе Алена Шылько.
