Алег Літвінчук

Палітвязень

Дата нараджэння: 26 ліпеня 1978

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Суддзя: Грушко Андрэй

Месца зняволення: СІЗА-7

Справы: Пратэсты Брэст

Іншыя пазнакі: Шматдзетныя бацькі

Заява аб прызнанні палітвязнем

Алег Літвінчук

Алег Пятровіч Літвінчук утрымліваецца ў СІЗА № 7 паводле арт. 342 Крымінальнага кодэксу (Актыўны ўдзел у групавых дзеяннях, груба парушаючых грамадскі парадак) за ўдзел у акцыі пратэсту ў Брэсце 10 жніўня 2020 года.

Суд над Алегам і яшчэ трыма пратэстоўцамі пачаўся 6 жніўня 2024 года ў судзе Ленінскага раёна Брэста, справу разглядаў суддзя Андрэй Грушко, які асудзіў Алега на 1,5 гады калоніі.

4 кастрычніка 2024 г. у Брэсцкім абласным судзе разгледзелі апеляцыйную скаргу. Старшыня судовай калегіі Андрэй Лешчанка.

Вядома, што Алег — шматдзетны бацька, у яго шасцёра дзяцей.

Чатырох берасцейцаў пазбавілі волі за ўдзел у пратэстах у 2020 годзе

У судзе Ленінскага раёна Брэста 8 жніўня агучылі прысуд чатыром берасцейцам, якіх абвінавацілі паводле ч. 1 арт. 342 КК за ўдзел у паслявыбарчай акцыі пратэсту 10 жніўня 2020 года. Палітзняволеным Алегу Літвінчуку і двум братам Мацвею і Леаніду Аверчукам прызначылі паўтара года зняволення, а Аляўціне Гудковай — адзін год зняволення.