Марына Мікалаеўна Алісеенка была затрымана падчас "рэйду па салідарнасці" напрыканцы студзеня 2024 года. Яе вінавацяць у падтрымцы палітвязняў і іх сем'яў паводле ч. 1 і 2 арт. 361-4 Крымінальнага кодэксу (садзейнічанне экстрэмісцкай дзейнасці) і паводле ч. 1 арт. 342 КК (арганізацыя і падрыхтоўка дзеянняў, што груба парушаюць грамадскі парадак).

Судовы працэс над Марынай пачнецца 2 кастрычніка 2024 года, справу разглядае суддзя Мінскага гарадскога суда Сяргей Хрыпач.

Пра Марыну вядома, што яна скончыла Мінскі дзяржаўны лінгвістычны ўніверсітэт у 2008 годзе. Пасля гэтага працавала перакладчыкам, але ў 2012 годзе ўладкавалася ў пяцізоркавы мінскі гатэль Crowne Plaza. За два гады яна з асістэнта мэнэджэра па продажах стала кіраўніком аддзела продажаў і маркетынгу.

16 і 18 кастрычніка 2024 г. адбыўся разгляд справы Марыны ў Мінскім гарадскім судзе. Суддзя Сяргей Хрыпач.