Ціхан Осіпаў

інжынер БНТУ

Палітвязень

Дата нараджэння: 31 студзеня 1996

Дата затрымання: 14 жніўня 2020

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках
арт. 362 Крымінальнага кодэкса — Замах на забойства супрацоўніка органаў ўнутраных справаў
арт. 400 Крымінальнага кодэкса — Заведама ілжывы данос
арт. 411 Крымінальнага кодэкса — Злоснае непадпарадкаванне патрабаванням адміністрацыі папраўчай установы

Вынік суда: 11 гадоў і 7 месяцаў

Від пакарання: пазбаўленне волі ў калоніі ва ўмовах строгага рэжыму

Суддзя: Арлоў Пётр

Пракурор: Цюменцаў Антон

Месца зняволення: ПК № 20

Сімвалічны/ая хросны/ая: Джым ОʼКалаган, дэпутат Dáil Éireann

Ціхан Осіпаў

Ціхан Сяргеевіч Осіпаў — інжынер БНТУ. 19 траўня 2021 г. яго прызналі вінаватым адразу па трох артыкулах Крымінальнага кодэкса: у замаху на забойства вайскоўцаў (ч.1 арт. 14 і 362), удзеле ў масавых беспарадках (ч. 2 арт. 293), загадзя ілжывым даносе (ч. 1 арт. 400). 

Згодна з версіяй абвінавачвання, у ноч з 10 на 11 жніўня, «паддаўшыся на заклікі дэструктыўных тэлеграм-каналаў, каля гадзіны ночы 25-гадовы мінчук прыехаў на вуліцу Прытыцкага ў Мінску для ўдзелу ў масавых беспарадках. Малады чалавек знаходзіўся за рулём свайго BMW, з якога папярэдне зняў рэгістрацыйныя знакі. Ігнаруючы патрабаванні міліцыі, кіроўца адмовіўся адчыніць дзверы і застаўся сядзець у машыне. Пасля крануўся з месца і збіў пецярых вайскоўцаў унутраных войскаў. Наезд быў здзейснены на вайскоўцаў унутраных войскаў МУС, якія знаходзіліся ў форменным абмундзіраванні і якія прымалі ўдзел у ахове грамадскага парадку». 

Паводле версіі следства, мужчына схаваўся з месца здарэння, кінуў аўтамабіль у вадаёме недалёка ад месца здзяйснення злачынства. З мэтай стварэння алібі патэлефанавала ў 102 і заявіў аб згоне. Будучы папярэджаным аб крымінальнай адказнасці за загадзя ілжывы данос, паведаміў недакладную інфармацыю пра абставіны перамяшчэння аўтамабіля і папрасіў арганізаваць яго пошук. 

19 траўня 2021 года быў вынесены прысуд па справе. Па ч. 2 арт. 293 КК Ціхана Осіпава асудзілі да 4 гадоў калоніі, па ч.1 арт. 400 — да 1 года, па ч.1 арт. 14 і арт. 362 — да 10 гадоў, сумарна — 11 гадоў пазбаўлення волі. Маральную шкоду пацярпелым вайскоўцам у агульнай суме 1300 рублёў ён кампенсаваў да суда.

Адбываў пакаранне ў ПК-15.

У сярэдзіне снежня 2021 стала вядома, што Ціхана да 14 красавіка 2022 змясцілі ў памяшканне камернага тыпу.

Таксама супраць Ціхана Осіпава завялі крымінальную справу паводле ч. 2 арт. 411 КК (злоснае непадпарадкаванне патрабаванням адміністрацыі папраўчай установы). 25 сакавіка 2022 яе разглядала суддзя Кастрычніцкага раёна Магілёва Наталля Крашкіна на выязным пасяджэнні ў калоніі, таму сваякі трапіць туды не маглі. Хлопцу прызначылі яшчэ сем месяцаў зняволення і змянілі рэжым з узмоцненага на строгі.

У Магілёўскім абласным судзе 23 чэрвеня адбыўся разгляд апеляцыйнай скаргі Ціхана. Суддзя Павел Клімаў прыняў рашэнне пакінуць прысуд у сіле.

У сярэдзіне ліпеня 2022 Ціхана перавялі з Турмы № 4 у глыбоцкую ПК № 13, а ў кастрычніку — у ПК № 20.

Палітвязню Ціхану Осіпаву, асуджанаму да 11 гадоў калоніі, прызначылі яшчэ сем месяцаў зняволення

За сем месяцаў у калоніі яго ўжо двойчы каралі суткамі ў ШІЗА і два разы змяшчалі ў ПКТ. Апошні раз у памяшканне камернага тыпу яго адправілі на 4 месяцы, дзе ён павінен быў знаходзіцца да 14 красавіка. Акрамя гэтага, яго пазбавілі перадач і спатканняў, а заказныя лісты салідарнасці адміністрацыя калоніі наўпрост знішчае.

Мінчука судзяць за наезд 11 жніўня на пецярых вайскоўцаў. Яму пагражае да 25 гадоў турмы

У Мінскім гарадскім судзе 12 красавіка пачаўся разгляд крымінальнай справы супраць 25-гадовага інжынера БНТУ Ціхана Осіпава.

Пракурор запрасіў 12 гадоў калоніі для мінчука, якога судзяць за наезд на BMW 11 жніўня на вайскоўцаў

У Мінскім гарадскім судзе 20 красавіка адбываюцца судовыя спрэчкі па крымінальнай справы супраць 25-гадовага інжынера БНТУ Ціхана Осіпава.

Сёння не вынеслі прысуд мінчуку за наезд на BMW 11 жніўня на вайскоўцаў — калегія аднавіла судовае следства па справе

У Мінскім гарадскім судзе 27 красавіка мусілі вынесці прысуд па крымінальнай справы супраць 25-гадовага інжынера БНТУ Ціхана Осіпава.

"Не было ў яго намеру". Пачаўся паўторны суд над кіроўцам BMW за наезд на пецярых вайскоўцаў 11 жніўня

У красавіку 25-гадовага Ціхана Осіпава судзілі ў Менскім гарадскім судзе за наезд на пяць вайскоўцаў падчас пратэстаў у жніўні мінулага года.

Кіроўцу BMW асудзілі да 11 гадоў калоніі за наезд на пецярых вайскоўцаў на жнівеньскім пратэсце

Сёння, 19 траўня, Мінскі гарадскі суд вынес прысуд 25-гадоваму Ціхану Осіпаву за наезд на пяць вайскоўцаў падчас пратэстаў у жніўні мінулага года, удзел у масавых беспарадках, а таксама за ілжывы данос: пасля ДТЗ хлопец заехаў на машыне ў вадаём, пакінуў яе там і заявіў аб згоне. Ціхана абвінавацілі па трох артыкулах Крымінальнага кодэкса: па ч. 2 арт. 293, ч. 1 арт. 400, ч. 1 арт. 14 і арт. 362. Ён прызнаў віну толькі па арт. 400 Крымінальнага кодэкса, па іншых артыкулах — не прызнаў. Судовая калегія пад старшынствам суддзі Пятра Арлова асудзіла Осіпава да 11 гадоў калоніі ва ўмовах узмоцненага рэжыму. Пракурор Антон Цюменцаў два разы запрошваў для яго 12 гадоў калоніі. На абвяшчэнні прысуда Ціхан быў без акуляраў і ў кайданках.

Адрас для лістоў: ПК № 20. 247755, Гомельская вобл., Мазырскі р-н, Міхалкоўскі сельсавет, 70

Палітвязні знаходзяцца па адрасах:

Падтрымаць «Вясну»