Юры Іванавіч Уласаў — давераная асоба кандыдаткі ў прэзідэнты Святланы Ціханоўскай па Гомельскай вобласці. Юрыю 53 гады. Жанаты, двое непаўналетніх дзяцей. Працаваў у дзяржаўных структурах. Потым сышоў і актыўна займаўся грамадзкай дзейнасцю. Браў удзел у «Маршах недармаедаў» у 2017 годзе. Актыўна займаўся экалягічнай праблемай у Навабеліцкім раёне — смуродам з фабрыкі «Гомельшпалеры».

Далучыўся да каманды Сяргея Ціханоўскага ў 2019 годзе, калі блогер арганізаваў «Кармленне галубоў» на ўзбярэжжы ракі Сож у Гомлі.

7 траўня 2020 году ў Гомлі прайшла акцыя ў падтрымку арыштаванага напярэдадні Сяргея Ціханоўскага. АМАП схапіў Юрыя, яму прысудзілі 15 сутак. Затым — яшчэ 30 сутак у ізалятары часовага ўтрымання. Па вызваленні прымаў актыўны ўдзел у зборы подпісаў і агітацыі за Святлану Ціханоўскую. Каманда правяла агітацыю бадай ва ўсіх райцэнтрах Гомельскай вобласці. Сотні людзей прыходзілі на пікеты.

Быў затрыманы 6 жніўня ў Гомелі. Да яго прыйшлі дадому з вобшукам у межах крымінальнай справы: нібыта Уласаў 15 лістапада 2019 года абражаў супрацоўнікаў міліцыі.

У дачыненні да Юрыя, а таксама Таццяны Канеўскай, Дзмітрыя Івашкова і Аляксандра Шабаліна былі ўзбуджаныя крымінальныя справы па ч. 2 арт. 293 (удзел у масавых беспарадках) і па арт. 292 Крымінальнага кодэксу (захоп будынкаў), а Юрый Уласаў дадаткова абвінавачваўся ў "публічнай абразе прадстаўніка ўлады" (ч.1 арт. 369 Крымінальнага кодэксу).

4 траўня 2021 суд Чыгуначнага раёну Гомеля агучыў прысуды па крымінальнай справе ў дачыненні давераных асоб Святланы Ціханоўскай — Таццяны Канеўскай, Юрыя Уласава, Дзмітрыя Івашкова і Аляксандра Шабаліна. Іх абвінавацілі ў «масавых беспарадках» і планах па «захопе будынкаў». Суддзя Аляксей Хлышчанкоў асудзіў Юрыя Уласава на 6,5 гадоў калоніі ўзмоцненага рэжыму, Таццяну Канеўскую — на 6 гадоў калоніі агульнага рэжыму, а Дзмітрыя Івашкова і Аляксандра Шабаліна — на 6 гадоў калоніі ўзмоцненага рэжыму. 

У Гомелі вынеслі прысуд давераным асобам Ціханоўскай, якія нібыта рыхтавалі пратэсты з "захопам выканкама"

4 траўня ў судзе Чыгуначнага раёну вынесеныя прысуды па крымінальнай справе ў дачыненні давераных асоб Святланы Ціханоўскай — Таццяны Канеўскай, Юрыя Ўласава, Дзмітрыя Івашкова і Аляксандра Шабаліна.

Гомель: Пачаўся суд над сябрамі ініцыятыўнай групы Святланы Ціханоўскай

Суд Чыгуначнага раёна Гомеля 12 красавіка пачаў разгляд гучнай крымінальнай справы, заведзенай на сябраў ініцыятыўнай групы кандыдаткі Святланы Ціханоўскай. На лаве падсудных - чацвёра.