Максім Сенік
Дата нараджэння: 2 лютага 1979
Дата затрымання: 10 студзеня 2023
Прад'яўленыя абвінавачванні:
арт. 368 Крымінальнага кодэкса — Абраза прэзідэнта Рэспублікі Беларусь
арт. 361-1 Крымінальнага кодэкса — Стварэнне экстрэмісцкага фармавання або ўдзел у ім
Вынік суда: 4 гады
Від пакарання: пазбаўленне волі ў калоніі ва ўмовах узмоцненага рэжыму
Дата пачатку адбыцця пакарання: 25 жніўня 2023
Суддзя: Рачынскі Мікалай
Месца зняволення: ПК № 2
Максім Багданавіч Сенік — сябра незалежнага прафсаюза "Гродна Азот", быў затрыманы ў Гродне за ўдзел у акцыях пратэсту ў 2020 годзе і за рэпосты ў сацыяльных сетках. Утрымліваецца ў СІЗА гродзенскай турмы.
Палітвязня абвінавацілі па некалькіх артыкулах Крымінальнага кодэкса: абраза Аляксандра Лукашэнкі (ч. 1 арт. 368), садзенічанне экстрэмісцкай дзейнасці (ч. 1 арт. 361-4 і ч. 1 арт. 361-2).
Відэа з затрыманым паказалі ў Telegram-канале ATN_NEWS:
"Прытрымліваўся апазіцыйных поглядаў і ўдзельнічаў у акцыях пратэсту ў 2020 годзе. Таксама з'яўляўся сябрам незалежнага прафсаюза ААТ“Гродна Азот". Паддаўшыся ўплыву лідара страйкама "Гродна Азот" Юрыя Рававога, скідваў інфармацыю, якую ён размяшчаў у замежных СМІ", — паведаміў мужчына.
Таксама ён нібыта "абражаў прэзідэнта" ў Telegram-каналах, работнікаў органаў улады, міліцыянтаў і перадаваў пры гэтым інфармацыю тэлеканалу “Белсат".
Абвінавачанне запытала для Максіма Сеніка пазбаўленне волі тэрмінам на чатыры з паловай гады, паведамляе "Салідарнасць".
Суд крыху зменшыў прапанову абвінавачання і прысудзіў Сеніку пазбаўленне волі ў калоніі ва ўмовах ўзмоцненага рэжыму тэрмінам на чатыры гады.
25 жніўня 2023 г. у Вярхоўным судзе суддзя Сяргей Гураў разглядзеў апеляцыйную скаргу.
У кастрычніку 2023 г. пераведзены з Турмы № 1 у ПК-2 (Бабруйск).
Актывісту незалежнага прафсаюза БНП на ААТ "Гродна Азот" прысудзілі чатыры гады калоніі
